USS Winston S. Churchill հածանավը միացել է ԱՄՆ ռազմածովային ուժերի նավերի միջերկրածովյան խմբին, հետեւում է Միացյալ Նահանգների 6-րդ նավատորմի հրամանատարության հաղորդագրությունից: Նավում մի քանի տասնյակ թեւավոր հրթիռ կա, հաղորդում է ՌԲԿ-ն:
«Arleigh Burke դասի USS Winston S. Churchill հածանավը ապրիլի 10-ին մտել է Միացյալ Նահանգների 6-րդ նավատորմի պատասխանատվության գոտի:
Դրա տեղակայումը ուղղված է ծովում ԱՄՆ շահերի, տարածաշրջանում կայունության բարձրացման եւ 6-րդ նավատորմի գործողությունների գոտում ծովային ներկայության աջակցության ապահովմանը», - ասվում է հաղորդագրությունում: ԱՄՆ-ի 6-րդ ռազմածովային նավատորմը տեղակայված է Միջերկրական ծովում:
Նավահանգստից հածանավը դուրս էր եկել մինչ Twitter-ում ԱՄՆ նախագահ Դոնալդ Թրամփի նախազգուշացումը՝ Սիրիայի դեմ հրթիռային հարվածներ հասցնելու պատրաստակամության մասին:
Նավում կարող է տեղավորել ավելի քան 90 թեւավոր հրթիռ, ներառյալ բարձր ճշգրտության «Տոմահավկ» հրթիռները: