Ռուսաստանի բանաձեւը, որ կոչ է անում դադարեցնել Սիրիայի դեմ ագրեսիան, չի ընդունվել ՄԱԿ-ի Անվտանգության խորհրդի կողմից, քանի որ չի ստացել ձայների մեծամասնությունը, հաղորդում է «ՌԻԱ Նովոստին»:
Փաստաթղթի քվեարկությունը տեղի է ունեցել Անվտանգության խորհրդի նիստի ժամանակ, որը հրավիրվել էր Ռուսաստանի Դաշնության նախաձեռնությամբ ԱՄՆ-ի, Ֆրանսիայի եւ Մեծ Բրիտանիայի կողմից անցյալ գիշեր Սիրիային հասցված հարվածներից հետո: Փաստաթղթի օգտին քվեարկել է Ռուսաստանը, Չինաստանը եւ Բոլիվիան: Ութ երկիր դեմ է քվեարկել, եւս չորս պատվիրակություն քվեարկության ժամանակ ձեռնպահ է մնացել:
