News
Լրահոս
News
Երկուշաբթի
Հունվար 21
Տեսնել լրահոսը

Ապրիլի 21-ին Վաշինգտոնում կազմակերպվել էր Հայոց ցեղասպանության զոհերի հիշատակին նվիրված մոմավառություն:

ԱՄՆ-ի մայրաքաղաք Վաշինգտոնում՝ Սպիտակ տան առջեւ, քիչ ռաջ ավարտվեց Հայոց ցեղասպանության զոհերի հիշատակին նվիրված մոմավառությունը:

Վաշինգտոնի հայ համայանքի կողմից կազմակերպված մոմավառությանը մասնակցում էին ԱՄՆ-ի Հայ դատի հանձնախմբի անդամներ, սկաուտներ, քաղաքացիներ, ինչպես նաեւ՝ Հայաստանի բարեկամներ:

«Ես այստեղ եմ, որպեսզի աջակցությունս հայտնեմ, պայքարեմ հանուն արդարադատության, ճնշում գործադրեմ Թրամփի վարչակազմի վրա, որպեսզի ի վերջո ճանաչվի Հայոց ցեղասպանությունը» - նշեց մոմավառության մասնակից Էդվին Փորթուգիլը:

Կանադայի «Թորոնթո Ռափթերզ» հայտնի բակսետբոլի թիմի մարզիչ Ռեքս Քալամյանը նույնպես ներկա էր մոմավառությանը:

«Հպարտ եմ, որ հայ եմ, որ ունեմ այդպիսի արմատներ: Մեր համայնքը շատ ամուր է եւ այստեղ բազմաթիվ մարդիկ են փորձում հասնել Ցեղասպանության ճանաչմանը, ես էլ նրանց կողքին եմ», - Ամերիկայի Ձայնի տված հարցազրույցում ասաց Ռեքս Քալամյանը:

Մարիամ Մելքումյանը եւ Նարեկ Գրիգորյանը ընդգծեցին ԱՄՆ-ի կողմից Ցեղասպանության ճանաչումը՝ հաշվի առնելով Միացյալ Նահանգների կարեւորությունն ու ազդեցությունը միջազգային ասպարեզում:

«Եթե ամերիկյան կառավարությունը ճանաչի, դա մեծ ճնշում կգործադրի Թուրքիայի կառավարության վրա, որը պարտավոր կլինի ինչ-որ չափով գնալ փոխզիջումների», - ասաց Նարեկ Գրիգորյանը:

«Մեր այստեղ լինելը շատ կարեւոր է նաեւ քանի որ եթե Հայաստանում մենք չենք կարող լինել, չենք կարող գնալ բոլոր մարդկանց հետ ապրիլի 24-ին, այստեղ մեր լինելը հենց Սպիտակ տան առջեւ շատ կարեւոր է», - hավելեց Մարիամ Մելքումյանը:

Վաշինգտոնի Հայ դատի գրասենյակի գործադիր տնօրեն Արամ Համբարյանը՝ կարեւորեց այսօրվա հավաքը խոչրհրդանշում է Միացյալ նահագների հայ համայնքի պահանջը իրենց իշխանությունից.

«Էրդողանն իր ուղին ընտրել է, նա շարունակելու է հերքել, սակայն, Ամերիկային անհրաժեշտ չէ աջակցել Էրդողանին եւ մենք այսօր ասում ենք՝ Թուրքիան արժանի չէ, որպեսզի դրա համար արգելափակվի Հայոց ցեղասպանության ճանաչումը ԱՄՆ-ի կողմից»:

Անդրադառնալով Հայաստանի ներկայիս ներքաղաքական իրավիճակին Արամ Համբարյանը հավելեց, որ ամերիկահայ համայնքի մշակույթի մի մասն է պայքարել անարդարության դեմ.

«Երբ անարդարություն ենք տեսնում հայկական աշխարհի տարբեր մասերում, այդ թվում եւ Հայաստանի ներսում, ապա բողոքն առողջարար է: Մարդիկ շատ ճիշտ են, երբ բարձրաձայնում են սեփական կարծիքը իրենց, իրենց ընտանիքների, երկրի ու ժողովրդի համար կարեւորագույն հարցերի շուրջ: Դա ժողովրդավարության բնական մասն է»:

Իրավունքների հետ գալիս են նաեւ պարտականությունները, ուստի, բողոքները պետք է լինեն խաղաղ եւ օրինական, սակայն, բողոքն ինքնին պայքարի ընդունելի տեսակ է, ի վերջո, կարելի է հայտնել դիրքորոշումը քվեաթերթիկով իսկ կարելի է՝ բողոքի տեսքով:

Ըստ տարիների ընթացքում ձեւավորված ավանդույթի՝ ԱՄՆ-ի նախագահը յուրաքանչյուր տարի ապրիլի 24-ին հանդես է գալիս պաշտոնական հայտարարությամբ`Առաջին աշխարհամարտի տարիներին Օսմանյան կայսրության հայերի զանգվածային կոտորածներին:

Նշենք, որ ԱՄՆ-ի Կոնգրեսի հայկական հարցերով հանձնախմբի անդամները՝ազդեցիկ կոնգրեսականներ ու սենատորներ արդեն նամակով դիմել են ԱՄՆ-ի նախագահին Դոնալդ Թրամփին՝ կոչ անելով հանդես գալ հայտարարությամբ եւ օգտագործել Ցեղասպանություն եզրը:

Տպել
Կարդացեք նաև
Ամբողջը
Իսրայելցի պատմաբաններ. Թուրքերը քրիստոնյաների ցեղասպանություն են իրականացրել 30 տարի շարունակ
Նոր գիրք՝ ցնցող հայտարարություններով...
Թրամփը ստորագրել է ցեղասպանությունների եւ վայրագությունների կանխարգելման մասին Էլի Վիզելի ակտը
Տվյալ օրենքը հաղթանակ է ցեղասպանությունների կանխարգելման եւ նոր վայրագությունների կանխման գործընթացների եւ նոր քաղաքականության իրականացման գործում....
Կալիֆոռնիայում մեկնարկում է Հայոց ցեղասպանության պատմության ուսուցման ծրագիրը
Ցեղասպանության ուսուցման կրթական ծրագիրը (Genocide Education Project) կազմել է Հայոց ցեղասպանության…
Իսրայելը չպետք է օժտված լինի ցեղասպանություն տերմինի օգտագործման բացառիկ իրավունքով. իսրայելցի գիտնական
Մի շարք իսրայելցի ներկայացուցիչներ Երեւանում անտեղի մեկնաբանություններ են կատարել Հոլոքոստի եզակիության մասին…
Հայոց ցեղասպանության թանգարան-ինստիտուտը հիմնադրամը մեկնարկում է 2019-ի Ռաֆայել Լեմկինի անվանական կրթաթոշակը
Հայոց ցեղասպանության թանգարան-ինստիտուտը հոգալու է երկկողմանի ճանապարհորդության, կացարանի եւ օրապահիկի ծախսերը…
Հայերի համար փոխհատուցում պահանջող փաստաբանները հանդես են եկել ԱՄՆ դատարանում
Դատավոր Էնդրյու Խուրվիցի խոսքերով՝ իրենք, անկասկած, ընդունում են, որ հայերի դեմ գործողություններն անօրինական են եղել, սակայն․․․
Ամենաշատ
Ֆոտոռեպորտաժներ