ՄԱԿ Գլխավոր քարտուղար Անտոնիո Գուտերեշը Հայաստանում տեղի ունեցող իրադարձությունների մասին հայտարարությամբ է հանդես եկել։ Հայտարարության մեջ մասնավորապես ասված է.
«ՄԱԿ Գլխավոր քարտուղարը հետեւում է Հայաստանում վերջին զարգացումներին։ Նա նկատի է առել վարչապետ Սերժ Սարգսյանի հրաժարականը։
Գլխավոր քարտուղարը ողջունում է ընթացիկ իրադարձությունների խաղաղ բնույթը եւ բոլոր կողմերին հորդորում է զսպվածություն դրսեւորել եւ առաջնահերթություն տալ երկխոսությանը։ Հայաստանի համար այս կարեւոր ժամանակաշրջանում Գլխավոր քարտուղարը կոչ է անում շարունակական հարգանք դրսեւորել օրենքի գերակայության եւ մարդու իրավունքների նկատմամբ, ինչպես նաեւ խաղաղության եւ կայունության պահպանմանը Հայաստանում եւ տարածաշրջանում։
Գլխավոր քարտուղարն օգտագործելով հնարավորությունը բարձրաձայնում է ԵԱՀԿ Մինսկի խմբի համանախագահների վերջին դիմումը, որտեղ նրանք կոչ էին անում բոլոր կողմերին կանխել որեւէ լուրջ էսկալացիան շփման գծի երկայնքով եւ ուժեղացնել ղարաբաղյան հակամարտության կարգավորմանն ուղղված ջանքերը»:
