ՄԱԿ-ի Անվտանգության խորհրդում Ռուսաստանի կողմից վետոյի իրավունքի օգտագործման դեպքերը կանաչ լույս են դարձել Սիրիայի նախագահ Բաշար Ասադի կողմից մարդու իրավունքների դեմ դաժան հանցագործությունների համար: Այս մասին հայտնել է Մեծ Բրիտանիայի միջազգային զարգացման նախարարության մամուլի ծառայությունը, որը հատվածներ է հրապարակել Փեննի Մորդոնտի ելույթից, ով չորեքշաբթի օրը ելույթ կունենա Սիրիայի հարցով երկրորդ միջազգային դոնորական համաժողովին:
Մորդոնտը կարծում է, որ «ՄԱԿ-ի Անվտանգության խորհրդում Ռուսաստանի կողմից վետոյի իրավունքի օգտագործման դեպքերը կանաչ լույս են դարձել Սիրիայի նախագահ Բաշար Ասադի կողմից մարդու իրավունքների դեմ դաժան հանցագործությունների համար»:
«Մենք այստեղ ենք, որպեսզի բավարարենք հրատապ մարդասիրական կարիքները Սիրիայում եւ ամբողջ տարածաշրջանում: Սակայն բոլորս գիտենք, որ Սիրիայում տառապանքի դադարեցման միակ լուծումը քաղաքական կարգավորումն է»,- նշել է Մորդոնտը:
Նշենք, որ երեքշաբթի օրը մեկնարկում է Սիրիայի հարցով երկրորդ միջազգային դոնորական համաժողովը: Եվրոպական միության եւ ՄԱԿ-ի հրավերով ավելի քան 85 երկրի եւ կազմակերպությունների ներկայացուցիչներ լկժամանեն Բրյուսել՝ սիրիական բնակչությանը եւ փախստականներին օգնելու նպատակով միջոցներ հավաքելու, ինչպես նաեւ Սիրիայում տեղի ունեցած վերջին զարգացումները եւ այս երկրում ճգնաժամի լուծմանն ուղղված քաղաքական գործընթացը քննարկելու համար:
