ԱԺ «Ելք» խմբակցության պատգամավոր Էդմոն Մարուքյանը վստահ է՝ հանրապետական կուսակցությունից կլինեն պատգամավորներ, որոնք կողմ կքվեարկեն Նիկոլ Փաշինյանի թեկնածությանը վարչապետի պաշտոնում։
Այսօր՝ ապրիլի 25-ին «Ելք» դաշինքի բոլոր պատգամավորները Նիկոլ Փաշինյանի թեկնածությունն առաջադրել են վարչապետի պաշտոնում։
Մարուքյանը NEWS.am-ին հայտնեց, որ այդ առաջարկն առաջիկայում կփոխանցեն ԱԺ նախագահ Արա Բաբլոյանին, որից հետո տեղի կունենա ԱԺ նիստ, նիստով կհաստատվի թեկնածությունը, ու արդեն տեղի կունենա վարչապետի ընտրությունը։
Հարցին, վստահ են, որ հանրապետականից կգտնվեն անձինք, որ կողմ կքվեարկեն Նիկոլ Փաշինյանի թեկնածությանը, Մարուքյանն ասել է, որ խնդիր չի տեսնում։
«Ելք» խմբակցությունը վարչապետի պաշտոնում առաջադրել է Նիկոլ Փաշինյանին
