Վերջին ամսին Հայաստանում արմատական փոփոխություններ տեղի ունեցան եւ ճիշտ կլիներ խոսել մինչնիկոլյան եւ հետնիկոլյան ժամանակաշրջանների մասին։ Այս մասին մայիսի 4-ին՝ լրագրողների հետ հանդիպման ժամանակ ասել է քաղտեխնոլոգ Արմեն Բադալյանը։
Նրա խոսքով՝ մինչնիկոլյան ժամանակահատվածում հայ հասարակությունը երկրում ինչ–որ դրական փոփոխություն անելու ուժ չուներ, թվում էր, թե Սերժ Սարգսյանը ամեն դեպքում կդառնա վարչապետ եւ այդպես կշարունակվի դեռ երկար. «Թվում էր՝ պայքարի միակ միջոցը արտագաղթն է։ Սակայն հետնիկոլյան շրջանում լուրջ փոփոխություններ են տեղի ունեցել։ Հայ հասարակության անտարբերությունը ամբողջությամբ անհետացավ եւ նրանք կարողացան հասնել իրենց հիմնական նպատակին»,–պարզաբանել է Բադալյանը։
Քաղտեխնոլոգի կարծիքով՝ հայ հասարակությունը կարողացավ հասկանալ, որ նա չի համարվում քաղաքականության անուղղակի սուբյեկտ։ Ծրագրի առաջին կետը, իսկ մասնավորապես Սերժ Սարգսյանի հրաժարականը, արդեն իրականացվել է։ Երկրորդ կետը՝ «Քաղաքացիական պայմանագրի» առաջնորդի դառնալը վարչապետ եւ երրորդ կետը՝ քաղաքական համակարգի ամբողջական վերափոխումը արտահերթ խորհրդարանական ընտրությունների միջոցով, որը կբերի Հանրապետական կուսակցության հեռացմանը եւ նոր իշխանության գալը։