Մահմեդական աշխարհը չհաղթահարեց Երուսաղեմի հարցով քննությունը: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ մեկնաբանելով Իսրայելում ԱՄՆ դեսպանությունը Թել Ավիվից Երուսաղեմ տեղափոխելուն մահմեդական երկրների՝ ոչ բավականաչափ կտրուկ արձագանքը, գրում է ՌԻԱ Նովոստին:
«Երուսաղեմը պարզապես քաղաք չէ: Այն խորհրդանիշ է մահմեդականների համար, այն քննություն է: Մահմեդական աշխարհը չհանձնեց այդ քննությունը: Ամբողջ աշխարհը չհանձնեց այն: ՄԱԿ-ը չկարողացավ արդյունավետ հակազդել ԱՄՆ-ի քայլին: Մենք՝ մահմեդականներս, ոչինչ չենք անում՝ դատապարտելուց բացի»,- Գազայի հատվածում Իսրայելի գործողությունների դեմ Ստամբուլում անցկացված բողոքի ակցիայի ժամանակ ունեցած ելույթում հայտարարել է Էրդողանը: Ցույցը հեռարձակվել է NTV հեռուստաալիքով:
Էրդողանի խոսքով՝ եթե մահմեդականները «միասնական դառնան եւ ընդվզեն ճնշումների դեմ, Իսրայելի անխոհեմությունը երկար չի տեւի»: Նա նաեւ հավելել է, որ հրեաներին հավասարեցնել սիոնականներին, իսկ ամերիկացիներին կոչ է արել «ձայն բարձրացնել այն սխալների դեմ, որոնք անում է ԱՄՆ ղեկավարությունը»:
