Շաբաթ օրը կայացած Հարավային եւ Հյուսիսային Կորեաների առաջնորդների երկրորդ հանդիպման հիմնական թեման Հյուսիսային Կորեայի եւ ԱՄՆ-ի միջեւ կայանալիք գագաթնաժողովի նախապատրաստություն է եղել, հայտնում է ՏԱՍՍ-ը:

Կորեայի Հանրապետության նախագահ Մուն Չժե Ինը շաբաթ օրը սահմանային Փհանմունջոմ կետում հանդիպել է Հյուսիսային Կորեայի առաջնորդ ԿԻմ Չեն Ընի հետ։ Հարավային Կորեայի նախագահի մամուլի ծառայությունից հայտնել են, որ հանդիպումը 2 ժամ է տեւել։

Լուսանկարներում եւ տեսանյութերում երեւում է, որ գագաթնաժողովին Հարավային Կորեայի առաջնորդին ուղեկցել է Ազգային հետախուզական ծառայության ղեկավար Սու Հուն, իսկ Կիմ Չեն Ընին Կորեայի աշխատավորական կուսակցույան միասնական ճակատի բաժնի վարիչ Կիմ Յոն Չհոլը։