Միշտ հնարավոր է որևէ բան անել՝ ուրիշներին օգնելու համար։ Այս մասին հայտնել է ՄԱԿ-ում ԱՄՆ-ի նախկին դեսպան Սամանտա Փաուերը, ելույթ ունենալով Երեւանում «Ավրորա-2018․ Երկխոսություններ» թեմայով համաժողովի բացման ժամանակ։
Նա շեշտել է, որ ԱՄՆ-ում հիմա շատ քիչ են փախստականները , ու պատասխանատվության մասով իրավիճակը տարբերվում է այն ժամանակներից, եբ ԱՄՆ-ն հայ փախստականների էր ընդունում։ Հարյուր տարի առաջ ԱՄՆ-ի նախագահը կոչ էր արել ամերիկացիներին՝ օգտագործել շաբաթ ու կիրակի օրերը, եկեղեցական ժողովները՝ հայ որբերի համար դրամահավաք կազմակերպելու համար։ «Այսօր նման բան տեղի չի ունենում»,- նշել է նա։
Խոսելով «Ավրորա» մարդասիրական նախասիրության մասին՝ Փաուերը նշել է որ պետք է ոգեշնչվել համահիմնադիրներ Նուբարի, Վարդանի ու Ռուբենի արարքներով, քանի որ նրանք մարդիկ են, որոնց ընտանիքների հետ ավելի քան 100 տարի առաջ դաժան են վարվել ու իրենց ընտանիքների ու համայնքների վրա կենտրոնանալու փոխարեն՝ նրանք փնտրում են, թե ինչ կարող են անել՝ ուրիշներին օգնելու համար։
«Մենք չպետք է կաթվածահար լինենք բազմաթիվ խնդիրների հետեւանքով, քանի որ կա հավանականություն, որ միշտ հնարավոր է ինչ-որ բան անել»,- շեշտել է նա։
