Գուդաուրի հանգստավայրում ծեծի են ենթարկվել ռուս օդաչու պարապլաներիստ Ֆյոդոր Չիլիշեւին: Տեղացի բնակիչների եւ մի խումբ ռուս եւ ուկրաինացի էքստրեմալ մարզիկների միջեւ վեճը տեղի է ունեցել այսօր Կազբեգի շրջանում:
Սոցցանցում դեպքի վայրից տեսանյութ են տարածել, որում երեւում է, թե ինչպես է տեղացի բնակիչների խումբը ծեծում Չելիշեւին:
Մի քանի մարդ միանգամից սկսում են ծեծել նրան եւ պարապլանի մեկնարկի համար վտարում են այդ վայրից: Երբ նա ուղեկցող մարդկանց հետ հեռանում է տարածքից, նրանց մեքենայի վրա քարեր են նետում:
Արդյունքում կոտրվել է օդաչուի քիթը, վնասվել են կողերը եւ ներքին օրգանները: Ավելի ուշ Չելիշեւը ֆեյսբուքի իր էջում նշել է, որ հիվանդանոցում է եւ վիճակը կայուն է:
