Ժնեւում Sotheby's աճուրդում վաճառքի են հանվել Ֆրանսիայի թագուհի Մարիա Անտուանետայի (1755-1793) զարդերը եւ թանկարժեք իրերը: ՏԱՍՍ-ը, վկայակոչելով France-Presse լրատվական գործակալկությանը հաղորդում է, որ աճուրդում, որը կկայանա նոյեմբերի 12-ին, ավելի քան 100 իր է ներկայացվել:
«Սա թագավորական զարդերի ամենակարեւոր հավաքածուներից մեկն է, որը երբեւէ հայտնվել է շուկայում», - ասել է փորձագետ Դանիելա Մասկեթին: Նա հավելել է, որ ոսկերչական իրերի հավաքածուն թույլ կտա պատկերացնել այն ժամանակվա արքայական ընտանիքի կյանքը:
Սպասվում է, որ Լյուդովիկ XVI-ի կնոջ մարգարիտով զարդարված ադամանդե կախազարդը, աճուրդում մոտ 2 մլն եվրոյով կվաճառվի: Ավելի քան 300 բնական մարգարիտներից կազմված վզնոցը սկզբում գնահատվել էր 200 հազար դոլարից մինչեւ 300 հազար դոլար, իսկ մարգարիտից ականջօղերը՝ 30-50 հազար դոլար:
