Մոսկվայի Լուբլինի դատարանը ընդդիմության առաջնորդ Ալեքսեյ Նավալնիին պարտավորեցրել է հերքել տեղեկություն կաշառքի մասին, որը գործարար Միխաիլ Պրոխորովն իբր տվել է Ռուսաստանի Դաշնության նախկին փոխվարչապետ Ալեքսանդր Խլոպոնինին:
«Դատարանը որոշել է. Բավարարել Պրոխորովի կողմից Նավալնիի նկատմամբ ներկայացված պատվի եւ արժանապատվության, գործարար համբավի պաշտպանության մասին հայցը»,- հայտարարեց դատավոր Մարինա Վասինան:
Ինչպես հաղորդում է «Ինտերֆաքս»-ը, Նավալնին պետք է 10 օրվա ընթացքում հերքում հրապարակի: Բացի այդ, դատարանը ընդդիմադիր գործչին պարտավորեցրել է որպես բարոյական փոխահտուցում մեկ ռուբլի վճարել գործարարին:
Պրոխորովի փաստաբան Տիմոֆեյ Գրիդնյովն ասել է, որ Նավալնին նման հայտարարություններով «պարզապես ցանկանում է ուշադրություն հրավիրել իր կողմը»:
