Եվրամիությունը դեռեւս չի ներկայացրել առաջարկությունների փաթեթ, որպեսզի ԱՄՆ-ի դուրս գալուց հետո Իրանին համոզի մնալ միջուկային գործարքում: Այս մասին ասվում է Իրանի արտաքին գործերի նախարարության պաշտոնական ներկայացուցիչ Բահրամ Գասեմիի հայտարարության մեջ, որը շաբաթ հրապարակվել է ԱԳՆ կայքում, հաղորդում է ՏԱՍՍ-ը:
«Միանշանակ, մենք կհայտարարենք այդ մասին, եւ կսկսենք ուսումնասիրել առաջարկների փաթեթի նյութերը, հենց որ ստանանք դրանք», - ասել է ԱԳՆ-ի ներկայացուցիչը:
Գասեմին հավելել է, որ Իսլամական Հանրապետությունը դրանք կդիտարկի իր ազգային շահերին համապատասխանելու տեսանկյունից եւ կորոշի` մնալ արդյոք միջուկային գործարքում: