News
Լրահոս
News
Շաբաթ
Հունվար 19
Տեսնել լրահոսը

«Սասնա ծռերին» աջակցելու մեջ մեղադրվող Կարո Եղնուկյանի  պաշտպան Տիգրան Հայրապետյանը միջնորդեց առանձնացնել Եղնուկյանի մասը խմբի 11 անդամների գործից: Երեւանի ընդհանուր իրավասության դատարանի Ավանի եւ Նոր Նորքի նստավայրում այսօր՝ հուլիսի 12-ին տեղի ունեցած նիստին, Տիգրան Հայրապետյանը հայտարարեց, որ պետք է դադարեցվի Կարո Եղնուկյանի  նկատմամբ հետապնդումը:

Պաշտպանը նշեց, որ մեղադրանքի հիմքում մի քանի հեռախոսազանգեր են, եթե գործն առանձնացվի, ապա մի քանի նիստի ընթացքում կկարողանան լսել այն հեռախոսազանգերի վերծանումները եւ շատ արագ դատաքննությունը կազատվի:

Տիգրան Հայրապետյանն ասաց, քանի որ Կարո Եղնուկյանը գրավի կիրառմամբ  է գտնվում ազատության մեջ, չի կարող լքել երկիրը, այնինչ Եղնուկյանի 83-ամյա մայրը ԱՄՆ-ում է, սրտի վիրահատության պատճառով չի կարողանում Հայաստան գալ եւ 2016 թվականից  հետո որդուն չի տեսել, ուստի սա եւս պատճառ է, որպեսզի Եղնուկյանի գործն առանձնացվի:

Դատախազ Պետրոս Պետրոսյանն ասաց, որ կարո Եղնուկյանի նկատմամբ քրեական հետապնդումը դադարեցնելու հիմքեր չկան: Ինչ վերաբերում է ընտանիքի անդամներին տեսակցելու եւ տնտեսական գործունեություն ապահովելու մասին, ապա պետք է այս ամենը հաստաող փաստաթղթեր լինեն: Նրա կարծիքով՝ միջնորդության քննությունը պետք է հետաձգվի:

Նախագահող դատավոր Արտուշ Գաբրիելյանը որոշեց գործից մաս անջատելու վերաբերյալ միջնորդության քննությունը հետաձգել մինչեւ ապացույցների հետազոտությունը, ընտանիքին տեսակցելու եւ աշխատելու հետ կապված Կարո Եղնուկյանին  խնդրեց փաստթղթեր ներկայացնել դատարանին:

Միջնորդությունը կքննարկվի ապացույցների հետազոտությունից առաջ:

Այսօրվա նիստը հետաձգվեց, քանի որ ամբաստանյալ Հովհաննես Վարդանյանի համար շտապօգնության մեքենա հրավիրվեց դատարան։

Նշենք, որ Արտուշ Գաբրիելյանի վարույթում գտնվող գործով «Սասնա ծռեր»-ի 11 անդամներն էլ գտնվում են ազատության մեջ, նրանց խափանման միջոցը փոխվել է:

Նշենք, որ Արտուշ Գաբրիելյանը քննում է  «Սասնա ծռեր»-ի 11 անդամների՝ Արմեն Լամբարյանի, Աշոտ Պետրոսյանի, Արթուր Մելքոնյանի, Տիգրան Սարգսյանի, Արթուր Սողոմոնյանի, Գառնիկ Հովակիմյանի, Հովհաննես Վարդանյանի, Մանվել Աթոյանի, Վարդգես Գևորգյանի, Կարո Եղնուկյանի և Խաչատուր Գիչյանի մասով առանձնացված գործը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հանուն հայրենիքի մարդը չի գնում մանր գողության. ՊՊԾ գնդի գրավման օրերին սպանված ոստիկանի կինն առարկեց
Արմեն Բիլյանն այս ազգին պիտանի մարդ է: Նա հանցագործ անցյալ չի ունեցել, նա որպես հայազգի մասին մտահոգ քաղաքացի կատարել է իր սրբազան պարտքը…
Շարունակվում է «Սասնա ծռեր» խմբի 10 անդամների գործով դատական նիստը
«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը...
«Հաց բերող» Արթուր Սարգսյանը, Արայիկ Խանդոյանն էլ մեր կողմի զոհերն են. Գագիկ Եղիազարյան
Մարտի 1-ին ռեժիմը նույնպես սպանել է ոստիկանների արդարացնելու համար ժողովրդի…
Զարուհի Փոստանջյանը ՊՊԾ գնդի գրավման գործով ներգրավվեց որպես պաշտպան
«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը...
Շարունակվում է «Սասնա ծռեր» խմբի 10 անդամների գործով դատական նիստը
«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը...
Զարուհի Փոստանջյանը դատարանում կպաշտպանի Պավլիկ Մանուկյանին եւ Արմեն Բիլյանին
Փոստանջյանը նպատակ ունի հասնել «Սասնա ծռերի» արդարացմանը...