Սուրբ Թադեոսի վանքում, որն աշխարհում ամենահին եկեղեցիներից է եւ գտնվում է Իրանի Չալդորան քաղաքից 20 կմ հյուսիս-արեւմուտք, ի պատիվ այս առաքյալի տեղի է ունեցել հանդիսավոր արարողություն, հայտնում է «Իրան.ռու»-ն:
Վանքը կառուցվել է Սուրբ Թադեոսի գերեզմանի վրա, որը Քրիստոսի առաքյալներից մեկն է: Սուրբ Թադեոսին հարգանքի տուրք մատուցելու համար եռօրյա արարողությունն անցկացվում է ամեն տարի Սուրբ Թադեոսի վանքում՝ Իրանի, Հայաստանի, Սիրիայի, Լիբանանի, Նիդերլանդների, Ֆրանսիայի, Ավստրիայի, Գերմանիայի, Կանադայի եւ այլ երկրների հայերի ու ասորիների մասնակցությամբ:
Ավանդության համաձայն՝ Թադեոս առաքյալը քարոզել է Պաղեստինում, Արաբիայում, Սիրիայում եւ Միջագետքում ու տանջալից մահով մահացել է մ.թ. I դարի երկրորդ կեսում Հայաստանում: Ենթադրյալ գերեզմանոցը գտնվում է Սուրբ Թադեոսի հայկական վանքի տարածքում՝ ժամանակակից Իրանի հյուսիս-արեւմուտքում: Սուրբ առաքյալի մասունքների մի մասը պահվում է Վատիկանի Սուրբ Պետրոսի տաճարում:
.jpg)
