Մի քանի երկրների կենդանիների տերերի շրջանում անցկացված առցանց հարցումը ցույց է տվել, որ կատուները եւ շները լավ լեզու են գտնում 80 տոկոս դեպքերում: Միայն 3 տոկոսն է պատասխանել, որ կենդանիները չեն կարողանում իրար հանդուրժել, հաղորդում է «Մոյա պլանետան»:
Պարզվել է, որ կատուներն իրենց ավելի լավ են զգում: Թեեւ նրանք ավելի նյարդային են շների ներկայության ժամանակ, դա չի խանգարում նրանց ինքնահաստատվել, սպառնալ շներին եւ վեճերի ժամանակ նույնիսկ 10 անգամ ավելի հաճախ նրանց վնասել:
Ճիշտ է, շները նրանցից չեն նեղանում: Շների 25 տոկոսը փորձել է ընկերանալ նրանց հետ՝ խաղալիքներ տանելով նրանց, կատուները նման բան 5 անգամ ավելի քիչ են արել:
Լինքոլնի համալսարանի գիտնականները պարզել են, որ շատ կարեւոր է տարիքը, թե երբ է կատուն սկսում շան հետ ապրել: Որքան ավելի վաղ, այնքան ավելի ընկերասեր նրանք կլինեն: