News
Լրահոս
News
Հինգշաբթի
Հունիս 20
USD
477.53
EUR
539.8
RUB
7.55
ME-USD
0.15
Տեսնել լրահոսը

ՌԴ գերագույն դատարանը չորեքշաբթի օրինական է ճանաչել հոլիվուդյան կինոպրոդյուսեր Ստեփան Մարտիրոսյանին Հայաստանին արտահանձնելու Գլխավոր դատախազության որոշումը, որտեղ նրա դեմ խարդախության գործ է հարուցված, հայտնում է «ՌԻԱ Նովոստի»–ի թղթակիցը դատարանի դահլիճից։

«Դատարանը վճռել է՝ Մարտիրոսյանին Հայաստանի Հանրապետությանը արտահանձնելու՝ ՌԴ Գլխավոր դատախազության որոշումը թողել անփոփոխ եւ ճանաչել օրինական ու հիմնավորված, վերաքննիչ բողոքը չբավարարել»,–նշված է վճռում։ Տղամարդը մոտ օրերս կարտահանձնվի Հայաստան։

Քրեական պատասխանատվության ենթարկելու համար Մարտիրոսյանին Հայաստան արտահանձնելու՝ Գլխավոր դատախազության որոշման բողոքը  ՌԴ գերագույն դատարանի կողմից երկրորդ անգամ է քննության առնվում։ 2018 թվականի ապրիլի 19-ին գերագույն դատարանը չեղարկել է Մոսկվայի քաղաքային դատարանի որոշումը, որով Հայաստան արտահանձնելու որոշումը օրինական էր ճանաչվում, եւ գործն ուղարկվել էր նոր քննության, սակայն Գլխավոր դատախազության որոշումը կրկին օրինական էր ճանաչվել։

Փաստաբան Դմիտրի Ռոշչինը խնդրել է նիստը հետաձգել, քանի դեռ ՌԴ քննչական կոմիտեն որոշում չի կայացրել այդ հարցով։ Դատարանը մերժել է։

Փաստաբաններից Պավել Տիմոշենկոն հիմնավորել է, որ Գլխավոր դատախազության որոշումը պետք է անհիմն համարել  ընթացակարգային խախտումների պատճառով, իսկ մեղադրյալին պետք է թույլ տալ մեկնել ԱՄՆ։ Նրա կարծիքով՝ Հայաստանն ոչ մի հիմք չունի պահանջել պրոդյուսերի արտահանձնումը, քանի որ նրա դեմ հարուցված գործը փաստացի խախտում է տարածքային իրավազորությունը եւ կեղծված է։

Ապրելով ԱՄՆ-ում՝ Մարտիրոսյանը որպես գործադիր պրոդյուսեր մասնակցել է Survivor եւ Sin City, Patrol, Frozen ground եւ Escape plan  գեղարվեստական ֆիլմերի ստեղծմանը, որոնցում հանդես են եկել դերասաններ Սիլվեստր Ստալոնեն, Առնոլդ Շվարցենեգերը եւ Ջեյք Ջիլենհոլը: Նրա խոսքով՝ 2001 թվականից Մարտիրոսյանն աշխատել է Հայբիզնեսբանկի վարչության նախագահ Վիտալի Գրիգորյանցի ընկերությունում՝ որպես ներդրումների, անշարժ գույքի եւ կինոբիզնեսի բաժնի գլխավոր տնօրեն:

2017 թվականի հոկտեմբերից 59-ամյա պրոդյուսերը գտնվել է  Մոսկվայի քննչական մեկուսարանում արտահանձման վերաբերյալ Հայաստանի հայտը պատճառով: Մարտիրոսյանին մեղադրանք է առաջադրվել այն բանի համար, որ 2011-2013 թվականներին նա յուրացրել է ֆիլմի գնման իրավունքի համար հատկացված 50 մլն դոլարը: Հայաստանում քրեական գործի հարուցումը բացատրվում է նրանով, որ Հայբիզնեսբանկի գլխավոր գրասենյակը գտնվում է Երևանում:

Ռոշչինը եւ նրա պաշտպանյալը պնդում էին, որ պրոդյուսերի քրեական հետապնդումը կեղծվել է, իբր, որպեսզի նա չկարողանա դրական ֆիլմ նկարահանել Վլադիմիր Պուտինի մասին՝ հոլիվուդյան աստղերի մասնակցությամբ: Ռոշչինը պնդում էր, որ «Մարտիրոսյանի կալանքը սադրանք է ԱՄՆ հատուկ ծառայությունների կողմից, որի նպատակն է խափանել նրա ֆիլմի նկարահանումները»:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
21-ամյա երիտասարդը ոստիկաններին հայտնել է, որ իրեն դանակահարել են. վերքը ստացել է կրծքի շրջանում
Ոստիկանները բացահայտել են դանակահարությունը...
Վարդենիսի ոստիկանները բացահայտեցին «Սեւան ազգային պարկում» կատարված ապօրինի ծառահատումը. Հատած ծառերը գտել են
Հատած ծառերը հայտնաբերվել են նշված առանձնատանը կից կիսակառույց շինությունում…
Հոգեհանգստի արարողության ժամանակ, օգտվելով անուշադրությունից, ննջասենյակից գողություն է կատարել
Ձեռնարկվում են միջոցառումներ գողոնը հայտնաբերելու ուղղությամբ...
14-ամյա պատանին կասկածվում է 20-ամյա երիտասարդին դանակահարելու մեջ. նա արդեն ցուցմունք է տվել
Նախաքննության ընթացքում իրականացվել են անհետաձգելի քննչական գործողություններ՝ կատարվել է դեպքի վայրի զննություն...
Նոր մանրամասներ` ՃՈ պաշտոնատար անձի աշխատավայրում կատարված շորթման դեպքից. Ոստիկանության տեսանյութը
Հաղորդումից անմիջապես հետո ոստիկանության ԿՀԴՊ ԳՎ կոռուպցիայի եւ տնտեսական գործունեության դեմ ուղղված հանցագործությունների...
Գերմանիայում ամուսինը կնոջը սպանել է մեղրամիսի ժամանակ 48 ժամ տեւած BDSM խաղերից հետո
Սադիստ ամուսինը 4 օր շտապ օգնություն չի կանչել, իսկ 4 օր հետո ժամանած բժիշկներն արդեն չեն կարողացել կնոջը փրկել…