![](img/news/04/67/66/default.jpg)
Հանրապետական կուսակցության եւ «Բարգավաճ Հայաստանի» միջեւ բախումների իրական ենթատեքստը ոչ թե քաղաքական է, այլ տնտեսական: NEWS.am-ի թղթակցի հետ զրույցում նման կարծիք է հայտնել քաղաքագետ Անդրանիկ Թեւանյանը:
Նրա խոսքով, ներկայումս վարվող տնտեսական քաղաքականությունը` միտված երկրի տնտեսությունը մեկ օլիգարխի ձեռքերում կենտրոնացնելուն, հանգեցրել է ոչ միայն մանր եւ միջին բիզնեսի դիմադրությանը, այլեւ խոշոր ձեռնարկատերերի, նույն Գագիկ Ծառուկյանի դեմքով:
«Ներկայիս իշխանությունների վարած տնտեսական քաղաքականությունը հանգեցրել է իշխանության ներսում ընդդիմության ստեղծմանը: Պետք չէ փնտրել առանձին մարդկանց` կանգնած ՀՀԿ-ի եւ ԲՀԿ-ի հակամարտության միջեւ, այդ տարաձայնությունների պատճառը իշխանությունների վարած տնտեսական կուրսն է»,- նկատել է Թեւանյանը:
Փորձագետւ նաեւ կանխատեսել է ներքաղաքական իրավիճակի սրացում խորհրդարանական ընտրությունների նախօրեին, քանի որ այդ ժամանակ էլ պարզ կդառնա` կհաջողվի արդյոք կառավարող ռեժիմին վերածնվել,թ ե ոչ: «Միանշանակ է, որ ընտրություններին ՀՀԿ-ն եւ ԲՀԿ-ն առանձին են հանդես գալու»,- նշել է փորձագետը` ընդգծելով, որ ներկայումս կառավարող վարչախմբի եւ ընդդիմության` ի դեմս Հայ ազգային կոնգրեսի, հայացքները շատ հարցերում համընկնում են: