![](img/news/04/70/55/default.jpg)
«Բարգավաճ Հայաստան» կուսակցությունը մշտապես սատարել է եւ լավ կլիներ, որ սատարի ներկայիս նախագահ Սերժ Սարգսյանին, փետրվարի 7-ին լրագրողների հետ զրույցում հավաստիացրեց Հայաստանի խորհրդարանի խոսնակ Հովիկ Աբրահամյանը՝ հիշեցնելով, որ դեռ 2008 թվականի նախագահական ընտրությունների ժամանակ ԲՀԿ-ն հայտարարել է Սերժ Սարգսյանի թեկնածությունը պաշտպանելու իր մտադրության մասին։
«Կարծում եմ, որ մոտ ժամանակներս «Բարգավաճ Հայաստանը» կրկին կհայտարարի Սերժ Սարգսյանին սատարելու իր մտադրության մասին»,- հավաստիացրեց խոսնակը՝ միաժամանակ լրագրողներին խորհուրդ տալով այդ հարցն ուղղել հենց ԲՀԿ-ին։
Նշենք, որ ի տարբերություն կոալիցիոն մյուս երկու ուժերի՝ «Բարգավաճ Հայաստանը» մինչ այժմ չի հայտարարել Սերժ Սարգսյանին 2013 թվականի նախագահական ընտրություններին սատարելու իր մտադրության մասին։