Միջերկրական ծովի երկնքում անհետացել է 14 զինծառայողներով ռուսական ռազմական ԻԼ-20 ինքնաթիռը: Ինքնաթիռն անհետացել է Լաթաքիայի նահանգի օբյեկտների ուղղությամբ իսրայելական F-16 կործանիչների հարձակման ժամանակ, ռուս զինծառայողների ճակատագիրն անհայտ է, երեքշաբթի հայտնել է ՌԴ ՊՆ-ն, հաղորդում է ՏԱՍՍ-ը:
«Սեպտեմբերի 17-ին՝ Մոսկվայի ժամանակով մոտ 23:00-ին, Խմեյմիմ ավիաբազա վերադառնալու ժամանակ Միջերկրկական ծովի երկնքում Սիրիայի ափից 35 կմ հեռավորության վրա ռուսական ռազմական ԻԼ-20 ինքնաթիռի հետ կապն ընդհատվեց», - ասել են ՊՆ-ում:
ՊՆ-ն նշել է, որ ռուսական օդային տարածքի վերահսկման ռադիոլոկացիոն միջոցները արձանագրել են տվյալ շրջանում գտնվող ֆրանսիական Auvergne ֆրեգատից հրթիռների արձակում:
Նախարարությունում նշել են, որ ինքնաթիռում 14 զինծառայող կար, նրանց ճակատագիրն անհայտ է: Գերատեսչությունը նաեւ հաղորդել է, որ որոնողափրկարարական գործողությունը կազմակերպել է ռուսական Խմեյմիմ ավիաբազայի հրամանատարությունը:
