ԱՄՆ նախագահ Դոնալդ Թրամփը ողջունել է Հյուսիսային եւ Հարավային Կորեաների նախագահների՝ Կիմ Չեն Ընի եւ Մուն Չժե Ինի միջեւ նոր համաձայնության կնքումը Փհենյանում այս տարվա մեջ արդեն երրորդ գագաթնաժողովի ժամանակ, փոխանցում է ՏԱՍՍ–ը։ Համապատասխան հաղորդագրությունը չորեքշաբթի նա հրապարակել է թվիթերյան իր էջում։
«Կիմ Չեն Ընը համաձայնել է թույլ տալ միջազգային փորձագետների ներկայությամբ ստուգումներ անցկացնել միջուկային օբյեկտներում եւ ամբողջությամբ փակել միջուկային պոլիգոնը եւ մեկնարկային հրապարակը։ Միաժամանակ չեն լինի հրթիռային եւ միջուկային փորձարկումներ։ Հերոսների մնացորդները կշարունակեն վերադառնալ հայրենիք՝ Միացյալ Նահանգներ։ Սրա հետ մեկտեղ Հյուսիսային եւ Հարավային Կորեաները համատեղ հայտ կներկայացնեն 2032 թվականի Օլիմպիական խաղերի անցկացման համար։ Շատ տպավորիչ է»,–գրել է Թրամփը։
Սեպտեմբերի 18-20-ը կանցկացվի պատմության մեջ 5-րդ եւ այս տարվա մեջ 3-րդ միջկորեական գագաթնաժողովը։
