Ռուսաստանի եւ Թուրքիայի զինվորականները համաձայնեցրել են Իդլիբում ապառազմականացված գոտու սահմանների պարամետրերը, այսօր հայտարարել է Ռուսաստանի ԱԳ նախարար Սերգեյ Լավրովը:
«Տառացիորեն նախորդ օրը Ռուսաստանի եւ Թուրքիայի զինվորականները համաձայնեցրել են ապառազմանականացված գոտու սահմանների կոնկրետ անցումները»,- «Ինտերֆաքսի» փոխանցմամբ՝ ասել է Լավրովը:
Դրա հետ մեկտեղ Լավրովը հավելել է, որ Իդլիբում ապառազմանականացված գոտու ստեղծման համաձայնությունը միջանկյալ քայլ է:
Նրա խոսքով՝ սա անհրաժեշտ միջոցառում է, քանի որ թույլ կտա կանխել շրջանում ապաէսկալացիայի գոտում սիրիական զորքերի դիրքերի եւ Հմեյմիմում ռուսական ռազմաբազայի վրա կրակոցների շարունակվող դեպքերը:
Ռուսաստանի եւ Թուրքիայի նախագահներ Վլադիմիր Պուտինը եւ Ռեջեփ Թայիփ Էրդողանը սեպտեմբերի 17-ին պայմանավորվել էին սիրիական Իդլիբի նահանգում զինված ընդդիմության եւ կառավարական զորքերի շփման գծի երկայնքով ապառազմանականցված գոտի ստեղծելու մասին:
