Սաուդյան Արաբիայի հանրային ներդրումային հիմնադրամը հայտարարել է հյուսիս–արեւմտյան ափին շքեղ զբոսաշրջային ուղղության ստեղծման ծրագրերի մասին, փոխանցում է AFP–ն։
«Ամաալա» անվամբ նախագիծը կդառնա Միջերկրական ծովի բնական շարունակությունը եւ կլինի Մերձավոր Արեւելքի Րիվերան։ Նախագիծը ներառում է շքեղ հյուրանոցի, մասնավոր վիլաների, արվեստի ակադեմիայի եւ զբոսանավ–ակումբի կառուցում։ Շինարարության ժամկետները եւ ներդրումների ծավալը հայտնի չէ։
Թագավորությունը արդեն հանրայնացրել է NEOM «ապագայի քաղաքի» շինարարության գծերը, որը պետք է դառնա տարածաշրջանային Սիլիկոնյան հովիտը։
Այս ծրագրերն իրականացվում են գահաժառանգ Մոհամեդ բին Սալմանի նախաձեռնած «Տեսլական 2030» նախագծի շրջանակներում։