Հայաստանի արտգործնախարար Զոհրաբ Մնացականյանը Նյու Յորքում սեպտեմբերի 27-ին հանդիպել է Եվրոպայում անվտանգության և համագործակցության կազմակերպության Գլխավոր քարտուղար Թոմաս Գրեմինգերին:

ԱԳՆ-ից NEWS.am-ին հայտնում են, որ հանդիպմանը մտքեր փոխանակվեցին ԵԱՀԿ գործունեության տարբեր ուղղություններին առնչվող օրակարգային մի շարք հարցերի շուրջ։

Հայաստանի արտաքին քաղաքական գերատեսչության ղեկավարն ու ԵԱՀԿ գլխավոր քարտուղարը անդրադարձ կատարեցին փոխգործակցությանը «Հայաստանի հետ համագործակցության ծրագրի» շրջանակներում։