News
Լրահոս
News
Ուրբաթ
Հուլիս 10
USD
486.73
EUR
549.62
RUB
6.84
ME-USD
0.02
Տեսնել լրահոսը

Սեպտեմբերի 29-ին Արցախի Հանրապետության Ազգային ժողովի նախագահ Աշոտ Ղուլյանն ընդունել է Հայաստանի Հանրապետության Ազգային ժողովի նախագահ Արա Բաբլոյանին:

Արցախի ԱԺ-ից NEWS.am-ին հայտնում են, որ հայկական երկու հանրապետությունների խորհրդարանների ղեկավարները կարճատեւ առանձնազրույցի ընթացքում քննարկել են միջխորհրդարանական համագործակցությանը,  Հայաստանի ներքաղաքական զարգացումներին  եւ առողջապահության ոլորտին վերաբերող հարցեր:

Հանդիպումն այնուհետեւ շարունակվել է ընդլայնված կազմով՝ Արցախի Հանրապետության Ազգային ժողովի եւ Հայաստանի Հանրապետության Ազգային ժողովի միջեւ համագործակցության միջխորհրդարանական հանձնաժողովի անդամների եւ ԱՀ ԱԺ մյուս մշտական հանձնաժողովների նախագահների մասնակցությամբ:

Ողջունելով ներկաներին՝ Արցախի Հանրապետության  խորհրդարանի ղեկավարը  ԱԺ անունից վերստին շնորհավորել է Արա Բաբլոյանին ՀՀ խորհրդարանի հիմնադրման 100-ամյակի կապակցությամբ:  Աշոտ Ղուլյանը կարեւորել է երկու խորհրդարանների միջեւ առկա սերտ համագործակցությունը թե՛ մշտական հանձնաժողովների, թե՛ խորհրդարանական դիվանագիտության ասպարեզում: Առանձնահատուկ ուշադրություն է դարձվել օրենսդրական աշխատանքների ոլորտում փոխգործակցության ընդլայնմանն ու ակտիվացմանը:

Հայաստանի Հանրապետության ԱԺ ղեկավարը եւս կարեւորել է Հայաստանի Հանրապետության եւ Արցախի Հանրապետության խորհրդարանների միջեւ առկա կապերի զարգացումը եւ խորհրդարանի դերի բարձրացումը՝ երկրի բնականոն եւ անցնցում կենսագործունեության առումով:

Հանդիպման ընթացքում անդրադարձ է կատարվել ՀՀ ներքաղաքական ներկայիս իրավիճակին եւ հնարավոր զարգացումներին, երկու երկրների առողջապահական ոլորտներին, միջխորհրդարանական համագործակցությանը, խորհրդարանական դիվանագիտությանը վերաբերող թեմաների:

Պայմանավորվածություն է ձեռք բերվել ԱՀ-ՀՀ միջխորհրդարանական հանձնաժողովի առաջիկա նիստի անցկացման վերաբերյալ:

Խորհրդարանում տեղի ունեցած հանդիպումից հետո ՀՀ ԱԺ նախագահը ԱՀ ԱԺ նախագահի տեղակալ Վահրամ Բալայանի ուղեկցությամբ այցելել է Ստեփանակերտի հուշահամալիր եւ ծաղիկներ խոնարհել Արցախյան ազատագրական պայքարի զոհերի հիշատակին:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Նախագահ Արմեն Սարգսյանը հանդիպել է Բակո Սահակյանի հետ
Հանրապետության նախագահ Արմեն Սարգսյանը հանդիպել է Արցախի նախկին նախագահ Բակո Սահակյանի հետ…
Արցախի նախագահ Արայիկ Հարությունյանն ընդունել է Սեյրան Օհանյանին
Նախագահը նշել է, որ ուրախ է հանդիպել իր մարտական ընկերոջ հետ…
Արմեն Սարգսյանը մեկնել է Արցախ ու հանդիպել Արայիկ Հարությունյանի հետ
Ընտրությունները ցույց տվեցին, որ Արցախը ոչ միայն ամուր ու հզոր, այլեւ ժողովրդավարական երկիր է...
Արցախի նախագահին առընթեր ներման հարցերի հանձնաժողովի կազմում փոփոխություններ են կատարվել
Հանձնաժողովի նախագահ է նշանակվել Արցախի Հանրապետության Նախագահի...
Արցախում հաստատվել է կորոնավիրուսի ևս 4 դեպք, վարակվածների ընդհանուր թիվը հասել է 146-ի
Միևնույն ժամանակ, կորոնավիրուսով հիվանդ 3 քաղաքացի առողջացել և թողել է մեկուսացման վայրը…
Արցախում առաջիկա հինգ տարիներին կիրականացվեն մինչև 400 կմ ասֆալտապատման աշխատանքներ
Սահմանված չափանաշիները խախտողների նկատմամբ կիրառվելու է առավելագույն տույժ և տուգանք․․․