Եվրամիությունը Բելգրադին եւ Պրիշտինային Կոսովոյում իրավիճակի սրացումից հետո զսպվածության կոչ է արել: Այս մասին հայտնել է ԵՄ-ի արտաքին քաղքականության ծառայության ներկայացուցիչը, գրում է ՏԱՍՍ-ը:
«Մենք ակնկալում ենք, որ իրադարձությունների բոլոր մասնակիցները հանգիստ եւ զսպված կգործեն: Մենք իրավիճակին շատ լուրջ ենք վերաբերվում եւ կապ ենք պահպանում բոլոր կողմերի հետ», - ասել է նա:
Հիշեցնենք, որ Սերբիայի նախագահ Ալեքսանդր Վուչիչը հանձնարարել է երկրի զինված ուժերը բարձր մարտական պատրաստության բերել այն բանից հետո, երբ Կոսովոյի հատուկ ուժերը փակել են «Գազիվոդե» ՀԷԿ-ի լճի ճանապարհը, որը վերահսկվում է Բելգրադի կողմից:
