News
Լրահոս
News
Հինգշաբթի
Դեկտեմբեր 13
Տեսնել լրահոսը

Կոռուպցիայի դեմ պայքարը Հայաստանի կառավարության հիմնական խնդիրներից մեկն է: Այս մասին հոկտեմբերի 12-ին հայտարարեց Եվրոպայի խորհրդի քարտուղարության ծրագրերի գլխավոր տնօրինության ղեկավար Վերենա Թեյլորը:

Վերենա Թեյլորը նշել է այն արդյունքները, որոնք ձեռք են բերվել Հայաստանի բուհերում կոռուպցիայի դեմ պայքարում: Աշխատանքի անցկացման ընթացքում հրապարակվել է Հայաստանի բուհերի կողմից ընդունված վարքականոն:

«Բայց չի կարելի ասել, որ կոռուպցիան 100 տոկոսով արմատախիլ է  արվել, քանի որ դրա համար ժամանակ է պետք:   Այնուամենայնիվ, կոռուպցիայի դեմ պայքարը Հայաստանի կառավարության գերակա առաջնահերթություններից մեկն է եւ ես մտածում եմ, որ այդ կապակցությամբ մենք կարող ենք հետագայում էլ զարգացնել այդ նախագիծը», - ասել է տնօրենը՝ հավելելով, որ կոռուպցիան գոյություն ունի նաեւ առողջապահությունում եւ հասարակական կյանքում:

Վերենա Թեյլորն անդրադարձել է 2015-2018 թվականներին ձեռք բերված նախագծերին:

«Հայաստանի հետ համագործակցությունը Եվրախորհրդի եւ Եվրամիության կամքի դրսեւորում է: Մենք արդարադատության ոլորտի բարեփոխման, կոռուպցիայի դեմ պայքարի, ընտրական բարեփոխումների եւ ընտրական գործընթացի մոնիթորինգին նախապատրաստվելու հարցերում աշխատանք ենք կատարել, որտեղ շոշափելի արդյունքներ են գրանցվել  եւ արդարադատության բարեփոխումների վերաբերյալ մի շարք անհրաժեշտ օրենքներ են ընդունվել», - եզրափակեց  նա:

Նշենք, որ հոկտեմբերի 12-ին Եվրախորհուրդը եւ ԵՄ-ն լրագրողներին ներկայացրին Արեւելյան գործընկերության երկրներում, ներառյալ Հայաստանում2015-ից 2018 թվականներին իրականացված հինգ նախագծերի արդյունքները: Ծրագրերը, մասնավորապես, ուղղված էին ՀՀ քրեակատարողական հիմնարկներում առողջապահության խթանմանը, դատական բարեփոխումների իրականացման աջակցությանը, ընտրական գործընթացի կատարելագործմանը, արդարադատության հաստատությունների աջակցմանը եւ Հայաստանում կոռուպցիայի դեմ պայքարին:

Եվրոպայի խորհրդի կողմից իրականացված ծրագրերի ընդհանուր բյուջեն կազմում է 2.8 մլն եվրո:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հասունացել է ԵԽԽՎ-ում ՀՀ-ի գործող մոնիթորինգը փոխարինել հետմոնիթորինգային երկխոսությամբ. Մարուքյանը՝ ԵԽԽՎ-ում
Փարիզում ավարտվեց ԵԽԽՎ մոնիթորինգի հանձնաժողովի նիստը, որտեղ քննարկվում էր Հայաստանում տեղի ունեցած արտահերթ խորհրդարանական ընտրությունների զեկույցը...
Մեզ համար չափազանց կարեւոր է, որ Հայաստանում մարդու իրավունքների ստանդարտներ ներդրվեն. Վուտովա
Նրա խոսքով, աշխատանքն իրականացվում է բազմաթիվ բնագավառներում, մասնավորապես, օրենսդրական, փորձագիտական գնահատականների տրամադրման ոլորտում....
ԵՄ խորհուրդը կշարունակի աջակցել Հայաստանի բարեփոխումներին
Նախարարի առաջին տեղակալը վստահեցրել է, որ դատաիրավական բարեփոխումներն առաջնային են Հայաստանի Հանրապետության համար...
Զոհրաբ Մնացականյանը Յագլանդի հետ քննարկել է ԵԽ-ում շահարկվող խնդիրները
Նոյեմբերի 20-ին աշխատանքային այցով Ստրասբուրգում գտնվող ԱԳ նախարարի պաշտոնակատար Զոհրաբ Մնացականյանը հանդիպում ունեցավ Եվրոպայի խորհրդի Գլխավոր քարտուղար Թորբյորն Յագլանդի հետ...
Վենետիկի հանձնաժողովի նախագահի հայտարարությունը Հայաստանի Ընտրական օրենսգրքի փոփոխությունների վերաբերյալ
Ընդունում և աջակցում է այն խաղաղ ճանապարհը, որով հայ ժողովուրդը իրականացնում է փոփոխությունները...
ԵԽԽՎ-ում պահանջում են քննել Ադրբեջանում մարդու իրավունքների խախտումները
Ադրբեջանում իրավիճակը չի փոխվել Laundromat-ի քննությունից մեկ տարի անց, որը բացահայտել էր կաշառելու բազմամիլիարդանոց սխեման…
Partner news