ԳԴՀ ԱԳ նախարար Խայկո Մաասը հեռախոսազրույց է ունեցել իր իրանցի գործընկեր Մոհամմեդ Ջավադ Զարիֆի հետ եւ հավաստիացրել է նրան, որ Գերմանիան նախկինի պես հետեւողական է Իրանի միջուկային ծրագրի հետ կապված գործողությունների համատեղ համընդգրկուն պլանի կատարման հարցում՝ տեղեկացնում է ՏԱՍՍ-ը։
«Մենք հետեւողական կլինենք այնքան ժամանակ, քանի դեռ Իրանը կատարում է իր պարտավորությունները»,- նշել է Մաասը։ Նա ընդգծել է, ու Գերմանիան պատրաստ է «ակտիվ ջանքեր գործադրել» գործարքի պահպանման համար եւ սպասում է «Իրանի կողմից կառուցողական գործողությունների»։
Բացի այդ, Մաասը հայտարարել է, որ համամիտ է Դանիայի հետ, թե Թեհրանը կազմակերպել է նրա տարածքում «Ահվազի ազատագրման համար պայքարի արաբական շարժում» խմբավորման ղեկավարի վրա հարձակումը։
Այս տարվա մայիսի 8-ին Դոնալդ Թրամփը հայտարարել էր նշված մայմանագրից ԱՄՆ-ի դուրս գալու մասին եւ պատժամիջոցներ էր սահմանել Իրանի դեմ։