Դեկտեմբերի 9-ին անցկացվող արտահերթ խորհրդարանական ընտրությունները կանցնեն պաթոսի մթնոլորտում: Այս մասին նոյեմբերի 19-ին ԱԺ-ում ճեպազրույցի ժամանակ ասաց ՀՅԴ խմբակցության սեկավար Արմեն Ռուստամյանը:
Նրա խոսքով՝ այս իրավիճակը հնարավորություն է տալիս որոշակի ուժին, ուստի խախտումների եւ աղավաղման կարիք չի լինի: «Մեզ համար այս ընտրությունները չեն դառնա ժողովրդավարության սահմանման չափանիշ: Մեր երկրում անցյալում էլ հոյակապ ընտրություններ են անցկացվել, սակայն դրանք ժողովրդավարության չեն բերել: Այնուհետեւ կուրսը շեղվեց 90-91 թվականներին: Իսկ ահա հաջորդ ընտրությունները ցույց կտան ժողովրդավարության մակարդակը: Երբ իշխանությունը կարող է այն կորցնել, հենց այդ ժամանակ է պարզվում՝ ժողովրդավարություն արդյոք կա՞, թե՞ ոչ»,- նշեց Արմեն Ռուստամյանը:
Նա համաձայն է, որ առկա են որոշակիորեն անհավասար պայմաններ՝ պաթոս: Ակնհայտ խախտումներ եւ մյուս քաղաքական կուսակցություններին խոչընդոտներ առայժմ չեն նկատվել: Եվ չեմ կարծում, թե կլինեն: Ընտրություններն իսկապես արդար, առանց խախտումների կանցնեն, որովհետեւ դրա կարիքը չկա: Եվ իշխանություններն ամեն ինչ կանեն, որ ընտրություննեն աննախադեպ լավը լինեն: Սա, ինչ-որ իմաստով, իշխանությունների համար փորձություն է»,- նշեց Ռուստամյանը:
