ԱՄՆ-ն Ռուսաստանին կոչ է անում օգտագործել իր ազդեցությունը Դամասկոսի եւ Թեհրանի վրա, որպեսզի Իրանն իր զորքերը դուրս բերի Սիրիայից: Այդ մասին ՌԻԱ Նովոստիին տված հարցազրույցի ժամանակ ասել է ԱՄՆ պետքարտուղարի հատուկ ներկայացուցիչ Ջեյմս Ջեֆրին:
«Մենք կոչ ենք անում Ռուսաստանին օգտագործել իր ողջ ազդեցությունը Սիրիայի կառավարության եւ Իրանի վրա (քանի որ ի վերջո այդ երեք երկրները միասին պատերազմում են Սիրիայում) ապահովելու համար, որ Սիրիայի ողջ տարածքից օտարերկրյա ուժերի դուրս բերման մասին որոշման շրջանակներում Իրանի հրամանատարությամբ բոլոր ուժերը հեռանան, բացառությամբ ռուսական զորքերի եւ 2011 թվականի իրավիճակի վերադարձը ապահովել», - ասել է նա:
Դիվանագետի խոսքով, Վաշինգթոնը դա ողջամիտ քայլ է համարում:
«Թե դրա համար ինչ կպահանջվի, այլ հարց է», - հավելեցլ է Ջեֆրին:
