Գերագույն ռադան հավանության է արժանացրել Ուկրաինայի նախագահի «Ուկրաինայում ռազմական դրություն մտցնելու մասին» հրամանագիրը՝ տեղեկացնում է ՈւՆԻԱՆ-ը։
Այն կգործի Ռուսաստանի եւ չճանաչված Մերձնեստրի հետ սահմանակից շրջաններում։ Նախագահը թվարկել է բոլոր այդ մարզերը՝ Վիննիցայի, Լուգանսկի, Նիկոլաեւյան, Օդեսայի, Սումսկի, Խարկովի, Չեռնիգովի, Խերսոնի մարզեր եւ Ազով-Կերչյան ներքին ջրային տարածքներ։
Ռադայի նախագահ Անդրեյ Պարուբիյն ասել է, թե ռազմական դրությունը կսահմանվի 30 օրով, այլ ոչ թե 60, ինչպես առաջարկվել էր։ Հրամանագրում նշված է որ նախագահական ընտրությունները կկայանան 2019թ․ մարտի 31-ին։.