Գազի եւ էլեկտրաէներգիայի սակագները հնարավոր է զգալիորեն նվազեցնել: Այս մասին նոյեմբերի 28-ին Շիրակի մարզում նախընտրական քարոզարշավի ժամանակ հայտարարել է «Մենք» դաշինքի առաջնորդներից «Ազատ դեմոկրատներ» կուսակցության նախագահ Խաչատուր Քոքոբելյանը:
Նրա խոսքով՝ այսօր քաղաքացիները շատ ավելին են վճարում, քան կարելի էր: «Գազի սակագինը կարելի է նվազեցնել 30 տոկոսով, իսկ էլեկտրաէներգիայինը՝ 10 դրամով»,- նշել է Քոքոբելյանը: Նա հավաստիացրել է, որ սրանք միանգամայն իրական թվեր են: «Չկան խնդիրներ, որոնք անհնար է լուծել, անհրաժեշտ են դա կատարելուն ընդունակ մարդիկ»,- հավելել է Խաչատուր Քոքոբելյանը:
Հիշեցնենք, որ ընթացիկ տարվա դեկտեմբերի 9-ին Հայաստանում կանցկացվեն արտահերթ խորհրդարանական ընտրություններ:
