Վաղ է թուրքերից հայերի հանդեպ մարդասիրական վերաբերմունք սպասելը: Երեւանում Լազարյան ակումբի նիստի ժամանակ նման կարծիք հնչեցրեց արեւելագետ Վիկտոր Նադեին-Ռաեւսկին:
Նրա խոսքով, տարածաշրջանային խնդիրների քննարկման ժամանակ Հայոց ցեղասպանության հարցից հնարավոր չէ խուսափել:
«Ինչպես 1915-ին, երբ թուրքերը հայերին արտաքսելու եւ ոչնչացնելու մասին որոշում ընդունեցին, հայերն ինչպես սեպ խրվեցին թյուրքական աշխարհում: 1915-ին հայերն այսպես էին ընկալվում եւ այսօր էլ ըստ էության հարցն այդպես է ընկալվում», -ասաց փորձագետը: Նա ընդգծեց, որ վերջին 20 տարիներին թուրքական «փափուկ ուժը» տասնյակ երկրներ է գրավել, այդ թվում հետխորհրդային տարածքում, հազարավոր ուսանողներ սովորել են թուրքական բուհերում, դպրոցներում, լիցեյներում: Նոր աշխարհընկալմամբ նոր սերունդ է ձեւավորվել, որը հրաշալի կրթություն է ստացել, բայց կա մեկ բայց. պատմությունը երկու ոտքով կաղում է: Անհեթեթությունը մտցրել են ժամանակակից թյուրքերի գլուխները», - ասաց փորձագետը: Նրա խոսքով, կարեւորը, որ ԼՂ ժողովուրդը համաձայն չէ Ադրբեջանի լծի տակ հայտնվել:
«Եվ ես հուսով եմ, որ Ռուսաստանը հասկանում է այս իրավիճակը», -ասաց նա՝ հավելելով, որ ցանկացած հայ, որը հայտնվել է Ադրբեջանի տարածքում, դատաստանի կարժանանա:
«Վաղ է թուրքերից հայերի հանդեպ մարդասիրական վերաբերմունք սպասելը: Այդ ազգը պատրաստ չէ անցյալի հանցագործությունների ճանաչմանը», - եզրափակեց նա: