Կերչի նեղուցում միջադեպի արդյունքներով առաջիկա օրերին Ռուսաստանի եւ Ուկրաինայի նախագահներ Վլադիմիր Պուտինի եւ Պյոտր Պորոշենկոյի միջեւ հեռախոսազրույց չի նախատեսվում: Այս մասին մամուլի ասուլիսի ժամանակ լրագրողներին ասել է ՌԴ նախագահի մամուլի քարտուղար Դմիտրի Պեսկովը, հայտնում է «ՌԻԱ Նովոստի»-ն:
«Ես կարող եմ միայն հաստատել, որ միջադեպից հետո մինչեւ հիմա իսկապես Պուտինի եւ Պորոշենկոյի միջեւ հեռախոսազրույց չի եղել, եւ ներկայումս, որքանով ինձ հայտնի է, նման զրույց չի նախատեսվում»,- ասել է Պեսկովը:
Ավելի վաղ Պյոտր Պորոշենկոն հայտնել էր Սեւ ծովում միջադեպից հետո Ռուսաստանի նախագահ Վլադիմիր Պուտինի հետ կապ հաստատելու անհաջող փորձի մասին:
