Առնվազն 12 մարդ է զոհվել բրազիլական փոքր քաղաքում ոստիկանների եւ բանկ թալանողների միջեւ փոխհրաձգության հետեւանքով՝ տեղեկացնում է Reuters-ը։
Տեղական ԶԼՄ-ները հայտնում են, որ փոխհրաձգության հետեւանքով զոհվել է 5 պատանդ, որոնց թվում՝ երկու երեխա։ Ոստիկանները փորձել են ավազակախմբին բռնել Միլագրեսում երկու տարբեր բանկերում բանկոմատներ թալանելու ժամանակ։ Նախնական տվյալներով զոհվել է 12 մարդ, որոնցից 6-ը՝ ոստիկաններ։
G1 լրատվական կայքը հաղորդել է, որ զոհված հինգ պատանդները մի ընտանիքից էին։ Նրանց ավտոմեքենան գողերի կողմից գրավվել է ավտոմայրուղու վրա։ Խոսքը տեղացի գործարարի ընտանիքի մասին է։
Երկու կասկածյալներ կալանավորվել են։ Մնացածներին հաջողվել է փախչել երկու ավտոմեքենաներով։ Թալանչիներից մեկի դին գտնվել է լքված ավտոմեքենայում։
