Հայաստանում տեղի ունեցած իրադարձությունները չեն փոխել Ռուսաստանի հետ հարաբերությունների ռազմավարական բնույթը: Այս մասին դեկտեմբերի 18-ին մամուլի ասուլիսի ժամանակ ասաց Հայաստանում Ռուսաստանի արտակարգ եւ լիազոր դեսպան Սերգեյ Կոպիրկինը:
Նա հաջողություններ մաղթեց նոր խորհրդարանին ու կառավարությանը, որ արդարացնեն հայ ժողովրդի վստահությունը եւ սպասումները: Ռուսական կողմը պատրաստ է Հայաստանին օժանդակել ամեն ինչով իր խնդիրները լուծելիս, տրամադրված է անելու իրենից կախված ամեն ինչ, որ խորը պատմական արմատներով եղբայրական հարաբերությունները խորանան եւ զարգանան»,- հավաստիացրեց Կոպիրկինը:
Դեսպանի խոսքով՝ այդ հարաբերությունները պետք է այն մակարդակին հասնեն, որը պահանջվում է ներկայիս իրողություններում եւ արագ փոփոխվող աշխարհում:
Նա շեշտեց, որ ԵՏՄ-ին երկրների անդամակցությունը թույլ է տվել այս տարի ապրանքաշրջանառությունը մեծացնել 17 տոկոսով, իսկ վերջին 2 տարում Հայաստանը արտահանումը 50 տոկոսով մեծացրել է: