Մեզ համար կարեւոր է, թե ինչպես է տեղի բնակչությունը տեսնում ռուսական ռազմակայանի գործունեությունը, եւ այդ հարցով մենք մշտական կապի եջ ենք ՀՀ ղեկավարության հետ: Այս մասին այսօր՝ դեկտեմբերի 18-ին, լրագրողների հետ հանդիպման ժամանակ նշել է Հայաստանում ՌԴ դեսպան Սերգեյ Կոպիրկինը:
Դիվանագետի խոսքով, ցավոք, հասարակության ուշադրությունը, որպես կանոն, գրավում են ռուսական ռազմաբազայի հետ կապված ողբերգական միջադեպերը, իսկ ահա ռազմաբազայի աշխատանքն ու գործունեությունը տարբեր ուղղություններով, մնում են ստվերում եւ հետաքրքիր չեն լրատվամիջոցների համար:
«Դրա համար լրատվամիջոցները, որոնք փորձում են օբյեկտիվորեն հասկանալ ռազմաբազայի գործունեությունը, օգտակար կլիներ լուսաբանել նաեւ այդ ասպեկտները»,-ասաց դեսպանը:
Նա նշեց, որ հայ հասարակության արձագանքը իրենց համար միշտ կարեւոր է եւ հետաքրքրում է ՌԴ դեսպանատանը, քանի որ նույնիսկ Հայաստանի եւ Ռուսաստանի միջեւ պայմանագրում գրված է, որ այս ռազմաբազան պետք է աշխատի տեղի բնակչության հետ:
