Արմավիրի մարզում, հունվարի 6-ին, ժամը 13:20-ի սահմաններում, Բամբակաշատ գյուղի կենտրոնական փողոցում՝ դպրոցի դիմաց բախվել են նույն գյուղի բնակիչներ, 42-ամյա Կարեն Մ.-ի վարած ՎԱԶ-211200 մակնիշի 35 DX 291 համարանիշի եւ 21-ամյա Սեւակ Ն.-ի վարած Opel Vectra մակնիշի 35 CM 183 համարանիշի ավտոմեքենաները:

Shamshyan.com-ի փոխանցմամբ, վթարի հետեւանքով Կարեն Մ.-ի ուղեւորներ, համագյուղացիներ, 62-ամյա Լենա Ա.-ն եւ 65-ամյա Մայրանուշ Ն.-ն դեպքի վայր ժամանած «Արմավիր» շտապօգնության ավտոմեքենայով տեղափոխվել են «Արմավիր» բժշկական կենտրոն: