News
Լրահոս
News
Կիրակի
Մարտ 24
Տեսնել լրահոսը

Հայաստանի կառավարությունն այսօր՝ հունվարի 10-ի իր նիստում որոշեց Երեւանի քաղաքապետարանից նվիրատվություն ընդունել Նոր-Նորք վարչական շրջանի Բագրեւանդ փողոցի հ․ 74 հասցեում գտնվող 135,72 մլն դրամ կադաստրային արժեք ունեցող 3 հա մակերեսով բնակավայրի նպատակային նշանակության, հասարակական կառուցապատման գործառնական նշանակության հողամասը եւ այն ամրացնել Տրանսպորտի, կապի եւ տեղեկատվական տեխնոլոգիաների նախարարությանը՝ «Ինժեներական քաղաքի» ստեղծման համար կազմակերպություններին նվիրաբերության միջոցով տարածքներ տրամադրելու նպատակով:

Որոշման հիմնավորման մեջ նշվում է, որ նախագիծը մշակվել է հիմք ընդունելով 2018 թվականի նոյեմբերի 1-ի ՀՀ կառավարության «Ինժեներական քաղաք»-ի ստեղծման հայեցակարգը եւ հայեցակարգից բխող միջոցառումների իրականացման ժամանակացույցը հաստատելու մասին» որոշումը:

Նախատեսվում է, որ «Ինժեներական քաղաքի» ստեղծման համար կազմակերպություններին նվիրաբերությամբ տարածքներ կտրամադրվեն:

Հողի սեփականության իրավունքի փոխանցման համար ընտրվել է նվիրաբերության գործարքի եղանակը, քանի որ այն հնարավորություն է տալիս պետությանը տվյալ հողակտորի ոչ նպատակային օգտագործման դեպքում դադարեցնել սեփականության իրավունքը եւ վերադարձնել հողը։

Քանի որ հատկացվածող հողակտորի վրա շինարարությունը տվյալ ընկերությունը իրականացնելու է սեփական միջոցներով, նպատակահարմար է, որ հողը փոխանցվի տվյալ ընկերությանը որպես սեփականություն, որպեսզի այդ հողի վրա կաուցվող շենքն էլ լինի կառուցող ընկերության սեփականությունը։

Անհատույց օգտագործման դեպքում հողը հանդիսանալու է պետական սեփականություն, այդ հողի վրա կառուցված շենքն էլ (ի վերջո) լինելու է պետական սեփականություն, որը կարող է խոչընդոտ հանդիսնալ ներդրումների համար։

Տրանսպորտի, կապի ու տեղեկատվական տեխնոլոգիաների նախարարի պաշտոնակատար Հակոբ Արշակյանը նշեց, որ խոսքը 21 մլն դոլար արժողությամբ նախագծի մասին է. «Այստեղ պետությունը Համաշխարհային բանկի աջակցությամբ մասնակցում է հողի, ենթակառուցվածքների, լաբորատորիաների, ճշգրիտ չափիչ սարքերի հաստոցների եւ աքսելերատորի շենքի ուղղությամբ, իսկ մյուս կողմը՝ «Նեյշնլ ինսթրումենթս» ընկերության գլխավորած կոնսորցիումը մասնակցում է արդեն շենքերի կառուցման վրա, ինչպես նաեւ լաբորատորիաների, ճշգրիտ սարքերի, սարքավորումների տեսքով»: Նա ընդգծեց, որ 2020 թվականի վերջին արդեն կտեսնենք ինժեներական քաղաքը՝ կառուցված շենքերով:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նորվեգիայում էլեկտրամոբիլների համար անլար լիցքավորիչներ կհայտնվեն
Ծրագրվում է, որ սկսած 2023 թվականից՝ Օսլոյում այլեւս ածխաթթու գազ չի արտանետվի․․․
Mozilla-ն iPad-ի համար Firefox-ի հատուկ տարբերակ է թողարկել
Ընկերությունում հավելել են, թե հիանալի հասկանում են, որ iPad-ը միայն iPhone-ի մեծ տարբերակը չէ․․․
Huawei-ի թոփ-մենեջերի մոտ ձերբակալելիս MacBook, iPhone եւ iPad են գտել
Huawei-ի MateBook X Pro-ն ներկայում լավագույնն է ճանաչված․․․
Չարամիտները կարող են իմանալ ցանկացած սմարթֆոնի գաղտնաբառը. գիտնականներ
Պարզվել է, որ բջջային սարքի էկրանին, որի վրայով մատներն անցել են գաղտնաբառը նշելու համար, ջերմային հետք է մնում…
Microsoft-ը կդադարեցնի Windows 7 օպերացիոն համակարգի գործարկումն ու թարմացումը
Microsoft-ը խորհուրդ է տալիս մինչեւ 2020թ․ հունվարն անցնել նոր Windows 10 օպերացիոն համակարգին․․․
ԵՏՄ անդամ երկրներում ռոումինգի սակագները կարող են հասցվել զրոյի. ՏՄՊՊՀ
Ռոումինգ ծառայության գինը կարող է զրոյացվել...
Ամենաշատ