Toyota ընկերությունը ներկայացրել է վերածնված Supra սպորտքարի սերիական տարբերակը, որն ունի նոր սերնդի BMW Z4 ռոդսթերի հիմնական հանգույցներն ու ագրեգատները: Ավտոմեքենայի հրապարակային պրեմիերան տեղի է ունեցել Դեթրոյթի ավտոսրահի շրջանակում, փոխանցում է Autonews-ը:
Առաջին Supra-ն հայտնվել է 1978 թվականին, իսկ նախորդ սերնդի մոդելը դադարել են թողարկել 2002 թվականից: Հինգերորդ Toyota Supra-ն, ինչպես եւ նախորդները, պահպանել է շարժիչի առջեւի մասում տեղադրումը, 6-գլանանի շարժիչը եւ հետին անիվների վրա շարժահաղորդակը:
Կուպեի երկարությունը կազմել է 4380 մմ, լայնությունը՝ 1865 մմ, բարձրությունը՝ 1295 մմ, իսկ անվային բազայի չափը հավասար է 2470 մմ-ի: Ավտոմեքենայի զանգվածը, որի կառուցվածքներն ալյումինից ու պողպատից են, հավասար է 1520 կգ-ի (թոփային կատարմամբ): Ինժեներները կիրառել են առջեւից երկլծականի կախոց եւ հետեւից՝ բազմալծականի: Առանցքներով քաշի բաշխումը կատարյալ է՝ 50:50:
«Ավագ շարժիչը» BMW-ի 3-լիտրանի «վեցնյակն» է՝ թվինսքրոլ տուրբոներմղիչով, որը զարգացնում է 340 ձ.ու. հզորություն եւ պտտման պահի 500 Նմ: Շարժիչը սպորտքարին թույլ է տալիս տեղից առաջին «հարյուրյակը» զարգացնել 4,3 վայրկյանում: Առավելագույն արագությունը հարկադրաբար էլեկտրոնիկայով սահմանափակվել է ժամում 250 կմ նիշի վրա:
