News
Լրահոս
News
Երեքշաբթի
Մարտ 19
Տեսնել լրահոսը

Կառավարությունը եւ վարչապետը մինչեւ հիմա չեն արձագանքել Իոսիֆ Աղաջանովի ծնողների դիմումին: Հունվարի 24-ին մամուլի ասուլիսի ժամանակ այս մասին հայտնեց սպանվածի քույրը՝ Ելենա Աղաջանովան:

Նա հիշեցրեց, որ հունվարի 14-ին կառավարության շենքի առջեւ բողոքի ակցիա էր անցկացվել՝ ստիպելու կառավարությանը լսել այն մարդկանց ձայները, որոնք դեմ են Մհեր Ենքոյանի ազատ արձակմանը:

«Մոտ 300 մարդ էր հավաքվել, այդ թվում հայտնի բժիշկներ, պրոֆեսորներ: Այդ նույն օրը մենք կառավարության ներկայացուցչին փոխանցեցինք հանդիպման խնդրանքով վարչապետին ուղղված նամամը, որպեսզի մարդասպանին ներելու հարցի մասին նրա տեսակետը լսենք: Փոխանցել ենք նաեւ բժիշկների ստորագրությունները՝ մոտ 1600 ստորագրություն, եւս 3300 էլեկտրոնային տարբերակով: Մինչ օրս կառավարությունը չի արձագանքել: Ոչ համաներման, ոչ հանդիպման մասով:  Մի քանի օր անց հայրս նորից է դիմել վարչապետին եւ նորից անարդյունք: Դիմել ենք Արդարադատության նախարարությանը՝ պահանջելով գործընթացի վերաբերյալ պատասխան տրամադրել: Արդարադատության նախարարությունը վկայակոչել էր օրենքները եւ հրաժարվել տեղեկություններ ներկայացնել: Թեեւ մենք տուժող կողմ ենք ներկայացնում», - հիշեցրեց Ելենա Աղաջանովան: Նա նշեց, որ անցյալ շաբաթ Առաջին ալիք էր հրավիրվել Մհեր Ենոքյանի կինը՝ Զարուհի Մեջլումյանը: Այսօր Աղաջանովներին ընտանիքն է նաեւ հրավեր եկել:

«1996 թվականին իմ 19-ամյա շատ բարի, խելացի, բարեսիրտ, գեղեցիկ տղան դաժանաբար սպանվել էր: Սակայն վերջին տարիներին սոցցանցերում եւ լրատվամիջոցներում մարդասպանի համար ակտիվ արշավ եւ հերոսացում էր կատարվում: Հասարակությանն ուզում են հասցնել, որ նա անմեղ է: Մենք չէինք ցանկանում բանավեճի մեջ մտնել՝ չէինք ցանկանում մեր վիշտն ի ցույց դնել: Ընդ որում մեր ընտանիքի մասին լուրեր էին տարածվում, որ մենք բոլոր երեք նախագահների վրա լուրջ ազդեցութւուն ենք ունեցել եւ որ մենք անգամ ինչ-որ հրեական կազմակերպությունների մեջ ենք, որոնց միջոցով ազդում ենք Լեւոն Տեր-Պետրոսյանի կնոջ վրա: Այս ամենը հորինվածք է: Մենք պահանջելու ենք, որ Զարուհի Մեջլումյանը պատասխանատվության ենթարկվի, պատվի եւ արժանապատվության պաշտպանություն ենք պահանջելու», - նշեց Աղաջանովան:

Սպանված Իոսիֆի հայրը՝ Միխայիլ Աղաջանովն ընդգծեց, որ ընտանիքը ոչ մի վայրկյան չի կասկածում, թե ով է եղել սպանության կազմակերպիչը: «Մենք երկուսի համար էլ մապապատիժ ենք պահանջել: Դատարանն այլ կերպ որոշեց՝ համարելով, որ պետք է տարբերություն լինի կազմակերպիչի ու հանցակցի միջեւ: Սակայն հրեշի արդարացումն անթույլատրելի է: Հասարակությունը, հավանաբար, նման բան է թույլ տալիս տեղեկատվության պակասի պատճառով: Նման հասարակությունը չի կարող առողջ համարվել: Եթե Մհեր Ենոքյանը ներվի, հասարակության առողջ հատվածը մեծ հիասթափություն կապրի»,- շեշտեց Միխայիլ Աղաջանովը:

Սպանվածի ընտանիքը նաեւ չի պատրաստվում կասկածի ենթարկել դատավճիռը: «Մեզ համար ամեն ինչ պարզ է, կասկածներ չկան: Բայց եթե իրավասու մարմինները համարեն, որ գործը պետք է վերսկսել, մենք չպետք է որոշենք»,- նշեց Միխայիլ Աղաջանովը:

Ելենա Աղաջանովան հիշեցրեց, որ մեղադրանքը չի կառուցվում ցուցմունքների վրա, այլ փաստերի. «Այս մասին խոսելը նույնպես հանրային կարծիքի մանիպուլյացիա է»:

Երեւանի պետական բժշկական համալսարանի ուսանող Իոսիֆ Աղաջանովը սպանվել էր 1996 թվականին: Սպանվածի մարմնի վրա հայտնաբերվել էին տասնյակ վնասվածքներ: Դաժան սպանության պատճառը նրա հորից փող պահանջելու հանցագործների մտադրությունն էր:

 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՊԵԿ-ը կանխել է  թաքցված  7500 տուփ ծխախոտի տեղափոխման փորձը. Կլինկերի փոխարեն Իրանից ծխախոտ էին ներմուծում
Պետական եկամուտների կոմիտեի Հարավային մաքսատուն-վարչությունը…
Մեկ օրում բացահայտվել է հանցագործության 131 դեպք. գրանցվել է 11 ավտովթար. վիրավորվել է 14
Հայտնաբերվել է 2 հետախուզվող։ Կամավոր ներկայացել է 3 հետախուզվող...
Մոտ 300 գ․ «Մեթամֆետամինի» ապօրինի շրջանառություն՝  «Տելեգրամ»-ի միջոցով․ երիտասարդ կինն ու տղամարդը կալանավորվել են
ՀՀ քննչական կոմիտեի ԵՔՔՎ Երևան քաղաքի Կենտրոն և Նորք-Մարաշ վարչական...
Սյունիքում հիվանդանոց տեղափոխվելիս շտապօգնության ավտոմեքենայում մահացել է Կապանի թիվ 3 միջնակարգ դպրոցի զինղեկը
Մարտի 15-ին ողբերգական դեպք է տեղի ունեցել Սյունիքի մարզում։ Ժամը 21։40-ի...
Պերուի դատախազությունը ժամացույցների հավաքածուի պատճառով նախագահին կասկածել է կոռուպցիայի մեջ
Պերուի գլխավոր դատախազությունը նախնական հետաքննություն է սկսել...
Հայտնի է Սյունիքում 4 մարդու կյանք խլած ավտովթար-հրդեհի զոհերի ինքնությունը. Վարորդը ոստիկանության աշխատակից էր
«ՎԱԶ 2106»-ի վարորդը աշխատում է ՀՀ Ներքին գործերի նախարարության  ոստիկանության Ջերմուկի բաժնում հերթապահ մասի...
Ամենաշատ