Եթե ներկայիս կառավարությունը գնա Արցախի հարցում չզիջելու ուղիով, ապա ՀՅԴ-ն պատրաստ է ամենասերտ համագործակցության: Այս մասին այսօր՝ հունվարի 29-ին լրագրողների հետ հանդիպման ժամանակ նշեց ՀՅԴ նորընտիր բյուրոյի նախագահ Արմեն Ռուստամյանը՝ հավելելով, որ ով դա չի ընդունի, իրենք կլինեն ամենաառճակատվող ընդդիմությունը այդ քաղաքական ուժին:
Նա հիշեցրեց, որ 1990-ական թվականներին հայտարարվեց, որ եթե Հայաստանն ուզում է զարգանալ, պետք է զիջի. «բոլորը հիշում են Լեւոն Տեր-Պետրոսյանի հայտարարությունը՝ Սերգո ջան, լավ չես ապրելու, քանի չի լուծվել Ղարաբաղի հարցը»: Մենք էլ ասել ենք, որ Ղարաբաղի հարցը մեր արժանապատվության հարցն է: Այդտեղ զիջում չի կարելի թույլ տալ»:
Արմեն Ռուստամյանի խոսքով, ազատագրված Արցախը զարգացման ռեսուրս պետք է լինի, ոչ թե բեռ, ինչպես նաեւ բանակը պետք է լոկոմոտիվ դառնա, բանակը պետք է դառնա ոչ միայն սպառող: «Ամենակարեւորը, ինքնաբավությունը երկրում պետք է մեծացվի: Այս հարցերի մասին 2 օր առաջ խոսել ենք: Եթփե այս մոտեցումները կդառնան պետական ծրագիր, կառավարության ծրագիր, ապա մենք պատրաստ ենք համագործակցել, որովհետեւ դրանք մեր մոտեցումներն են»:
«Մենք չեք լինի մի կոալիցիայում, որտեղ առանց մեզ կարող են որոշումներ կկայացվել: Սա պահպանելու ենք որպես սկզբունք: Եթե առաջ չենք քաշում, մեր խնդիրները թերի են լուծվում»,-հավելեց նա:
