![](img/news/49/48/10/default.jpg)
Այս պահին լարված իրավիճակ է «Սասնա ծռեր» խմբի 10 անդամների գործով դատական նիստին:
NEWS.am-ի թղթակիցը հաղորդում է, որ գործով տուժող, ՀՀ նախկին փոխոստիկանապետ Վարդան Եղիազարյանի հացաքննության ընթացքում գործով ամբաստանյալ Սմբատ Բարսեղյանը անհարգալից վերաբերմունք դրսեւորեց դատարանի նկատմամբ եւ դատարանը որոշեց նրա նկատմամբ սանկցիա կիրառել եւ հեռացնել դատական նիստերի դահլիճից:
Այս հանգամանքը վրդովվեցրեց դահլիճում ներկա «Սասնա ծռերի» աջակիցներին: Նախագահող դատավոր Մեսրոպ Մակյանը դատական նիստի բնականոն ընթացքն ապահովելու նպատակով որոշում կայացրեց Եղիազարյանի հարցաքննությունն անցկացնել դռնփակ նիստում, որին կարող են մասնակցել միայն լրագրողները:
«Սասնա ծռերի» աջակիցները հայտարարեցին, որ չեն պատրաստվում լքել դատական նիստերի դահլիճը:
Նշենք, որ այսօր արդեն հարցաքննվել է ՀՀ ոստիկանապետ Վալերի Օսիպյանը: