Նիդեռլանդների իշխանությունները երկրում բիզնես վարելու վերաբերյալ բանակցություններ են վարում ավելի քան 250 ընկերությունների հետ՝ կապված Եվրամիությունից Մեծ Բրիտանիայի դուրս գալու հետ՝ հայտնում է «Ինտերֆաքսը»՝ հղում կատարելով Օտարերկրյա ներդրումների նիդեռլանդական գործակալությանը (NFIA)։
«2019թ․ մի քանի ընկերություններ, ներառյալ՝ Discovery-ն եւ Bloomberg-ը, արդեն հայտնել են Նիդեռլանդներում ներդրումներ կատարելու իրենց մտադրության մասին»,- ասվում է գործակալության հայտարարության մեջ։
Նիդեռլանդների Էկոնոմիկայի նախարարության մեջ ընդգրկված NFIA-ում նշել են, որ այդ միտումների արդյունքում երկրում մոտ 10 000 նոր աշխատատեղ կստեղծվի։ ԵՄ-ից Մեծ Բրիտանիայի դուրս գալը ծրագրված է 2019թ․ մարտի 29-ին։