Սաուդյան Արաբիայի հյուսիսում՝ Ջեբել էլ Լաուզ լեռնային շրջանում, ձյուն է տեղացել: Տեղացիներն արդեն սահնակների եւ ինքնաշեն դահուկների վարձակալության կետեր են բացել, հաղորդում է ՏԱՍՍ-ը:
Սոցցացների նկարներում երեւում է, թե ինչպես են բեդուինները՝ ավանդական երկար շապիկներով(գալաբեա) եւ գլխաշորով (կուֆիա) փաթաթված, ինքնաշեն սահնակներով սահում լանջերից եւ անգամ մրցումներ կազմակերպում: Երեխաներն էլ ձնից տարբեր ֆիգուրներ են ստեղծում եւ ձնագնդի խաղում:
Ջեբել էլ Լաուզ շրջանում, որը ծովի մակարդակից 2.5 հազար մետր բարձրության վրա է գտնվում, նման երեւույթ երկրորդ անգամ է տեղի ունենում:
«Բացառված չէ, որ ապագայում մենք ձմեռային հանգստավայր կդառնանք», - Twitter-ում գրել է տեղացի բնակիչներից մեկը՝ Մուհամմեդ ալ ՙՄուստաֆան: