News
Լրահոս
News
Երեքշաբթի
Մարտ 19
Տեսնել լրահոսը

Պակիստանի արտաքին գործերի նախարար Շահ Մեհմուդ Քուրեշին երեքշաբթի նամակ է հղել ՄԱԿ գլխավոր քարտուղար Անտոնիու Գուտերիշին՝ խնդրելով օգնել թուլացնելու Իսլամաբադի եւ Նյու Դելիի հարաբերությունների լարվածությունը փետրվարի 14-ին Ջամու եւ Քաշմիր (Հնդկաստան) նահանգներում ահաբեկչությունից հետո, տեղեկացնում է ՏԱՍՍ-ը՝ հղում կատարելով The Economic Times-ին։

Ահաբեկչական գործողությունից հետո, ինչի հետեւանքով 45 մարդ է զոհվել, Հնդկաստանի եւ Պակիստանի միջեւ սկսվել է  դիվանագիտական ճգնաճամ։ Նյու Դելին եւ Իսլամաբադը հետ են կանչել իրենց դեսպաններին՝ խորհրդակցությունների համար։ Հնդկաստանի իշխանությունները մեղադրել են Պակիստանին հարձակման պատասխանատու խմբավորմանն աջակցելու մեջ եւ խոստացել են ընդունել «բոլոր հնարավոր դիվանագիտական միջոցները Իսլամաբադի լիակատար միջազգային մեկուսացումն ապահովելու համար»։ Հնդկական կողմը հայտարարել է, որ ունի այդ գրոհին Պակիստանի հանցակցությունն ապացուցող տվյալներ, վերջինն, իր հերթին, հերքում է այդ մեղադրանքները։

«Ես կցանկանայի շտապ ձեր ուշադրությունը հրավիրել մեր տարածաշրջանում անվտանգային իրավիճակի վատթարացմանը, ինչն առաջ է եկել Պակիստանի հանդեպ Հնդկաստանի կողմից ուժի կիրառման սպառնալիքի հետ կապված,- նամակից մեջբերում է կատարում թերթը։- Չափազանց կարեւոր է հակամարտության թուլացման քայլեր ձեռնարկել։ ՄԱԿ-ը պետք է միջամտի, որպեսզի լիցքաթափի լարվածությունը»։

Պակիստանի ԱԳ նախարարը նշել է, որ «անհեթեթ է Իսլամաբադի վրա բարդել հարձակման (զինվորական շարասյան վրա) պատասխանատվությունը մինչեւ հետաքննությունը սկսվելը»։ Նա նաեւ կոչ է արել «Հնդկաստանին անցկացնել բաց եւ վստահություն ներշնչող քննություն»։

Ահաբեկիչ մահապարտը փետրվարի 14-ին Ջամու եւ Քաշմիր նահանգներում պայթեցրել էր ավտոմեքենան՝ 350 կիլոգրամ պայթուցիկով, զինվորական շարասյան կողքին, որը 2,5 հազար մարդ էր տեղափոխում։ Հարձակման պատասխանատվությունն ստանձնել է «Ջաիշ-ե-Մուհամադ» (Մուհամեդի բանակ) արմատական անջատողական խմբավորումը, որը հանդես է գալիս նահանգը Հնդկաստանից առանձնացնելու, նրա անկախության կամ Պակիստանին միանալու դիրքերից։ «Ջաիշ-ե-Մուհամադի» զինյալները տեղակայվում են Քաշմիրի՝ Պակիստանի կողմից վերահսկվող հատվածում եւ զինված հարձակումներ են գործում հնդկական տարածքի վրա։

Իրավիճակը Ջամուում եւ Քաշմիրում՝ Հնդկաստանի միակ նահանգում, որտեղ մեծամասնությունը մուսուլմաններ են, մնում է լարված արդեն երկար տարիներ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռուսաստանը հայտնել է, որ Ղրիմում ահաբեկչություն է կանխել
Կնոջ մոտից առգրավվել են ինքնաշեն հրկիզող սարքեր և կապի միջոցներ, որոնց վրա հայտնաբերվել է նամակագրություն ուկրաինացի համակարգողի հետ...
Սահմաններին վնասազերծվել է ավելի քան 4000 ահաբեկչական խմբավորում. Իրանի սահմանային ոստիկանության պետ
Սահմանապահ ծառայության օպերատիվ կարողություններն ու բարելավվել են․․․
ԱՄՆ դեսպանատունը նախազգուշացրել է առաջիկա երկու օրվա ընթացքում Մոսկվայում ահաբեկչությունների սպառնալիքի մասին
Ռուսական իշխանությունները դեռ չեն մեկնաբանել ամերիկյան դիվանագիտական ​​ներկայացուցչության հայտարարությունը...
Ռուսաստանը Գարրի Կասպարովին ավելացրել է ծայրահեղականների և ահաբեկիչների ցուցակ
2012 թվականին նա ընտրվել է Ռուսաստանի ընդդիմության համակարգող խորհրդի անդամ...
AFP. Բելգիայում ահաբեկչություն նախապատրաստելու մեջ կասկածվող երեք դեռահասներ ձերբակալվել են Ֆրանսիայում
Գործակալության փոխանցմամբ՝ «15-ից 17 տարեկան երեք դեռահասներ ձերբակալվել են Ֆրանսիայի երեք...
ԱԷՄԳ-ն կօգնի Ճապոնիային ապահովել ամենամեծ ԱԷԿ-ի պաշտպանությունն ահաբեկչություններից. Kyodo
ԱԷՄԳ մասնագետները կօգնեն Ճապոնիային...
Ամենաշատ