ԱՄՆ-ը եւ Հյուսիսային Կորեան կարող են լրացուցիչ հանդիպումներ անցկացնել։ Այս մասին հայտարարել է ԱՄՆ պետքարտուղար Մայք Պոմպեոն այն բանից հետո, երբ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի գագաթաժողովի ընթացքում կողմերին չհաջողվեց համաձայնության գալ, տեղեկացնում է Reuters-ը։
Պոմպեոն նշել է, որ այս պահին առաջիկայում հերթական հանդիպում անցկացնելու ծրագրեր չկան։ «Մենք ժամանակ չենք նշել։ Ես զգում եմ, որ դա քիչ ժամանակ կզբաղեցնի, մեզ բոլորիս պետք է մի փոքր վերախմբավորվել»,- ասել է Պոմպեոն։ Նա նշել է, որ Հանոյում բանակցությունների ժամանակ ձեռք է բերվել առաջընթաց, բայց դա բավական չէ որեւէ համաձայնագրի ստորագրում երաշխավորելու համար։
