News
Լրահոս
News
Երկուշաբթի
Հուլիս 22
USD
476.48
EUR
535.52
RUB
7.56
ME-USD
0.17
Տեսնել լրահոսը


«Սասնա ծռերի» գործով տուժող, ՊՊԾ գնդի նախկին հրամանատար Խաչատուր Ավետիսյանի հարցաքննությունն այսօր՝ մարտի 13–ին, անցավ բավականին լարված մթնոլորտում։

Երեւան քաղաքի ընդհանուր իրավասության դատարանի Շենգավիթի նստավայրում պարբերաբար վիճաբանություն էր տեղի ունենում վկայի եւ ամբաստանյալների միջեւ։ Դատավոր Մեսրոպ Մակյանը մի քանի անգամ նախազգուշացրեց երկու կողմերին էլ, իսկ ամբաստանյալներից Արմեն Բիլյանի բարձախոսն էլ ստիպված էր անջատել, երբ վերջինս պահանջեց Խաչատուր Ավետիսյանին իրենց չվախեցնել։ Մյուս ամբաստանյալները նույնպես հայտարարեցին, որ Ավետիսյանի կողմից սպառնալիքներ են հնչել։

«Պարոն Ավետիսյանը, բարձրաստիճան ոստիկան լինելով, ափսոսանք հայտնեց բավականին էմոցիոնալ կերպով, որ ոստիկանները չեն սպանել բավարար չափով քաղաքացիներ, եթե սպանեին, ապա ապստամբությունը չէր լինի, թող պատկան մարմինները իմանան, թե ինչպիսի ոստիկաններ կան»,- ասաց Վարուժան Ավետիսյանը, որից հետո Մակյանը հորդորեց՝ եթե սպառնալիքի վերաբերյալ ապացույցներ ունեն, թող հանցագործության մասին հաղորդում ներկայացնեն:

Հարցաքննության ընթացքում իրավիճակը սրվեց, երբ Կյուրեղյանը Ավետիսյանից հետաքրքրվեց՝ արդյոք տեղյակ է գնդում հայտնաբերված գումարի եւ մարմնավաճառների ցուցակի մասին: Բացասական պատասխան տալուց հետո Ավետիսյանն ասաց. «Ձեր նմանները չէ, որ պետք է գնահատական տան գնդի աշխատանքին: Թուրքի նման գիշերով հարձակվեցիք»: Արեգ Կյուրեղյանն արձագանքեց. «Թուրքի նման միշտ ոստիկանությունն է վարվել այս ժողովրդի հետ»: Դատավորը հորդորեց վիրավորանքներ չհնչեցնել, ինչից հետո Արեգ Կյուրեղյանին տասը ժամով հեռացրեց նիստերի դահլիճից:

Տպել
Կարդացեք նաև
Ամբողջը
«ՎԵՏՕ»–ն ծաղիկներ խոնարհեց ՊՊԾ գնդում
«Ես մի քանի տարի աշխատել եմ Արթուր Վանոյանի հետ, նա, բացի ծառայակից լինելուց, իմ ընկերն է և ես ցավով եմ հիշում իր ընտանիքի կսկիծը...»
Արմեն Բիլյանը Փաշինյանին մեղադրում էր Մարտի 1-ի կազմակերպման մեջ, դրա համար է նա կալանքի տակ պահվում. Փոստանջյան
Մենք տեսել ենք, որ գործադիր իշխանությունը կարող է միջամտել դատական իշխանության գործունեությանը...
Զարուհի Փոստանջյանը միջնորդեց կալանքից ազատել «Սասնա ծռեր» խմբի անդամ Արմեն Բիլյանին
Առաջին փուլի՝ նախաքննության համար նախատեսվում է մեկ տարի ողջամիտ ժամկետ, սակայն իմ պաշտպանյալը երեք տարի է գտնվում է կալանքի տակ...
«Սասնա ծռեր» խմբից Մխիթար Ավետիսյանին վիրահատել են. նրա նկատմամբ փորձաքննություն կնշանակվի
Մեղադրող դատախազ Պետրոս Պետրոսյանը, հաշվի առնելով գործի՝ ողջամիտ ժամկետներում քննելու անհրաժեշտությունը, միջնորդեց դատարանին Մխիթար…
Ընթանում է «Սասնա ծռեր» խմբի 10 անդամների գործով դատական նիստը
«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը...
Փաշինյանի իշխանության ձեռքին կան Բիլյանին եւ Բարսեղյանին կալանքից ազատելու իրավաչափ հնարավորություններ. «Սասնա ծռեր»
Շատ ցավալի էր, որ Նիկոլ Փաշինյանը ռազմագերի ապստամբներին անհապաղ ազատելու փոխարեն նրանց հանձնեց տասնամյակներ շարունակ ռեժիմի գործիքի վերածված դատաիրավական համակարգի հայեցողությանը...