Նախագահ Դոնալդ Թրամփը կոչ է անում General Motors-ին վերսկսել Օհայոյում ընկերության գործարանի աշխատանքը, տեղեկացնում է AP-ը։
«GM-ը պետք է փակի գործարանը Չինաստանում կամ Մեքսիկայում, որտեղ այդքան շատ (միջոցներ) են ներդրվել Թրամփից առաջ», եւ «տանը բացել նոր աշխատատեղեր»։
Թրամփը կայցելի Օհայո այս շաբաթ։ Հանգստյան օրերին նա Թվիթերում գրել է, որ պաշտոնյաները պետք է անհապաղ բանակցություններ սկսեն United Auto Workers-ի հետ, որպեսզի գործարանը Լորդսթաունում նորից աշխատի կամ վաճառվի։
General Motors-ը նախօրեին հայտարարել է, որ գործարանների ապագան, որոնք նախատեսվում է փակել, «կլուծվի GM-ի եւ UAW-ի միջեւ»։
